Бүгүн Бишкек, Талас жана Чүйдүн айрым аймактарында жарык өчөт

Аба чубалгылары менен бир катар көмөк чордондорундагы оңдоо иштерине байланыштуу 5-февралда Бишкектин, Чүйдүн жана Талас облусунун айрым аймактарында электр жарыгы өчүрүлөт. Бул тууралуу "Түндүк электр" ишканасынын басма сөз кызматы билдирди.

Маалыматка ылайык, саат 09:00дөн 17:00гө чейин Бишкек шаарынын Ала-Тоо жаңы конушунда электр чубалгылары оңдолгонуна байланыштуу электр жарыгына чектөө киргизилет.

Чүй облусунун Аламүдүн районуна караштуу Степное айылында, Сокулук районундагы Заря айылында жарык өчөт.

Ал эми Талас районунда саат 09:00дөн 15:00гө чейин Ак-Сай, Кошар айылдарында жарык өчүрүлөт.

Автор: Айпери Ганыжан кызы