"Абысыным менин кызыма чейин да жаш кыздарды ар кимге салып берип, зордуктатчу экен" дейт жабырлануучунун энеси

Сот процессиндеги токтом жана тиешелүү документтер

Кымбат Мырзатова күйөөсүнөн өч алуу үчүн кайын сиңдисин зордуктатуу максатында өзүнүн 2 айылдаш коңшусун жалдаган.

"Кызымды зордуктаткан абысыным Кымбат Мырзатова мурда да жаш кыздарды ар кимге зордуктатып жүрүптүр. Менин кызым анын жиндилигинен жабыркаган төртүнчү кыз экен". Бул тууралуу бүгүн, 5-февралда SUPER.KG порталына 14 жаштагы зордукталган кыздын энеси Гүлзада Токтогазиева билдирди.

"Кымбат бизге келин болуп келгиче эле жеңил-желпи жашоо менен жашачу экен. Муну анын айылдаштары бул окуя болгондон кийин айтышты. "Бул кызды эмнеге келин кылып алдыңар?" деп таң калгандар да көп болгон. Биз анысын кайдан билиптирбиз... Ал бизге 18 жашында келин болуп, жапжаш бойдон келген да. Анын үстүнө кызым менен мамилеси жакшы болчу. Кайним экөө ажырашкандан кийин ал күйөөсүнөн өч алуу үчүн кайын сиңдилерин шерменде кылып, уят кыларын айткан экен. Биз убагында ал сөзүнө анча маани бербептирбиз",- дейт Г.Токтогазиева.

Анын айтымында, кызды зордуктагандар окуя болгондон кийин 2 айдан кийин гана камакка алынышкан. Кызы 15 күн ооруканада жатканда да эч ким келген эмес, алардын абалын эч ким сураган эмес. Кызын зордуктагандардын ата-энелери менен милициядан жолугушкан. Ошол жерден гана алар кечирим сурашкан экен. Кийин жабырлануучу тараптын сабатсыздыгынан пайдаланып, кызынын дарысына, балдарына жардам деп 300 миң сом беришкен. Бул акчаны жабырлануучу үй-бүлөнүн кайнежеси алып берген.

"Абысыным бул окуядан кийин 4 ай дегенде араң табылды. Аны да өзүбүз издеп жүрүп араң таптык. Ал кара чачын сарыга боёп, кыска кылып кестирип алыптыр. Ал борбордогу Кулиев көчөсүндөгү сойкуканалардын биринде иштеп жатыптыр",- деп кошумчалайт Г.Токтогазиева.

Учурда жабырлануучу тарап прокуратурага жана тиешелүү мекемелерге кайрылып, бул ишти борбор калаадан кароо өтүнүчү менен кайрылмакчы.

Автор: Мальвина Уметбекова
Фото: Мальвина Уметбекова

13:53 05-02-2015

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (11)

papanstan

2015-02-05 13:56:01

Кудай сактасын)

Deesmond

2015-02-05 14:07:37

Жок кылгыла!!!

nuru95kg

2015-02-05 14:44:59

абдан чон кыянаттык кылыптыр, эми кантип Кудай га жооп берет экен а?

samidinova84

2015-02-05 14:47:02

Эээ тооба,ушундай окуялар Кыргыз элимде болуп жатканы окунучтуу.Садага кетейин,опком чабайын Кыргызым,козубузду ачалычы.Биз улуу эл экенибизди эстен чыгарбайлы!!!

bema_bema

2015-02-05 15:39:03

Аканы неге аласын кызынан дагы акча кымбат беле

milan_92

2015-02-05 20:29:14

bulardy olum jazasyna tartyw kerek antpese bundai okuyalar kyrgyzstanda kaitalana beret

Aysuluuwa

2015-02-06 00:50:33

Тобоо кылдым!

azimova90

2015-02-06 03:07:26

Жаш кызда эмне куноо.Зордуктаган акмактардын женесин кошуп жазасын бериш керек онбогон акмактар.

suhrab.kg

2015-02-06 23:18:47

Тооба кылайлы туугандар.

bayana1987

2015-02-10 15:16:58

хахаха 18 жашында дейби..калп айтпачы кагылайын..18 жашында ал байкуш дал сенин кызындай болуп жабыркап жигит соройго алданып жашоосу будун чан болуп аткан..анан озун кармай албай калдыбы же жашоонун тозогуна чыдай албадыбы бузулуп кетти..окшоштуруп берсенер маекти..

bayana1987

2015-02-10 15:18:44

албетте мен Кымбаттын Кудай менен мыйзам алдында так туура оз жазасын алгыдай жооп берищин каалайм..байкуш зордукталып талаада калган кызды эстесем азыр жугуруп барып башын жулуп алгым келип жатат Кымбаттын..

Комментарий калтыруу үчүн өз ысымыңыз менен кириңиз же каттоодон өтүңүз.