Борбордогу жеке турак жайлардын биринин мыйзамсыз орнотулган тосмосу алынды

Бишкек шаарынын мэриясынын Жеке турак жай куруу департаментинин кезектеги текшерүүсүндө Көк-Сай көчөсүндөгү үйлөрдүн биринин мыйзамсыз орнотулган темир тосмосу алынды. Бул тууралуу бүгүн, 6-февралда аталган департаменттен билдиришти.

Маалыматка ылайык, “Шаар куруу жана архитектура жөнүндө” мыйзамын бузгандыгы үчүн үй ээсине, 02.12.2014-жылдын №0862-токтомуна ылайык, эреже бузууларды четтетүү жөнүндө эскертүү берилген. Жеке турак жай куруу департаментинин эскертүү талабын аткарууда аталган үйдүн ээси тосмосун өз ыктыяры менен алып, кеңейтилген жер тилкесин баштапкы абалга келтирди.

Автор: Мальвина Уметбекова