Өткөн жылы Улуттук онкология борборун каржылоо 115,8 миллион сомду түзгөн

2014-жылы Улуттук онкология борборун каржылоонун көлөмү 115,8 миллион сомду түздү. Бул тууралуу бүгүн, 6-февралда КРнын Каржы министрлигинин басма сөз кызматынан билдиришти.

Маалыматка ылайык, бул көрсөткүч 2013-жылдагы каржылоо көлөмү менен салыштырмалуу 14,8 миллион сомго көбөйгөн. Улуттук онкология борборуна 2012-2014-жылдары республикалык бюджеттен 317 миллион сом суммасында бюджеттик каражаттар бөлүнгөн, анын ичинде Орусия берген гранттын эсебинен 38 миллион сом бөлүнгөн.

Автор: Мальвина Уметбекова