Бишкек мэрин шайлоодо утулган талапкер шайлоонун жыйынтыгын жокко чыгарганы жатат (мыйзам бузуулардын тизмеси)

Бишкектин мэрлигине талапкер болгон Нурдин Абдылдаев ("Өнүгүү-Прогресс") мэрди шайлоонун протоколдорун жокко чыгаруу боюнча Борбордук шайлоо комиссиясына арызы менен кайрылды. Анын айтымында, шайлоо одоно мыйзам бузуулар менен өттү. Алар:

1) Добуш берүү бүткөндөн кийин “макул” деген белгиден башка ар кандай чекиттер жана башка жазуулар түрүндөгү калем сап менен жазылган кошумча “белгилер” байкалган. Депутаттарга жашыруун жана эч кандай көзөмөлсүз добуш берүүгө мүмкүнчүлүк берилген жок жана жогорудагы белгилер ар бир депутаттын эркине көзөмөл кылуу максатында жасалды.

2) Шайлоо күнү Бишкек аймактык шайлоо комиссиясынын мүчөлөрү бюллетендерге алдын ала атайын номер коюп чыгышкан. Кийин номер коюлган бюллетендер фракциялардын тизмелери менен берилген жана ар бирине жыйынтыгы белгилүү болгон. Добуштарды санап жатканда комиссиянын мүчөсү бюллетендин номерин жана добуш берүү белгисин угуза окуп берген. Добуш берүү аяктаганда айрым бюллетендерде эки талапкер үчүн тең “макул” деген белги болгон. Демек, мындай бюллетендер жокко чыгарылышы керек, бирок комиссия мүчөлөрү бул бюллетендерди жарактуу деп чечим чыгарышкан.

3) Шайлоо процессинде эсептөө комиссиясы депутаттардын жашыруун добуш берүүсүнө шарт түзүп бериши керек эле, бирок комиссия атайын бул норманы бузду. Ал жакка орнотулган тосмо жашыруун добуш берүү кабинкасы болуп эсептелинбейт.

4) Бишкек аймактык шайлоо комиссиясынын мүчөлөрү мэрликке талапкерлерге шаар кеңешинин сессиясында өз программаларын айтып берүү мүмкүнчүлүгүн беришпей, экинчиден, депутаттарды талапкерлерге суроо берүү укугунан ажыратышты.

5) Мэриянын имаратынын алдындагы митинг талапкер Албек Ибраимовдун тарапташтары менен депутаттарга түздөн-түз басым жасоо максатында уюштурулган. Митингчилер жөн гана турбастан, отурум өтчү жайдын алдында үн күчөткүч жана колонкалардын жардамы менен “Ибраимов!” деп кыйкырып турушту.

Айта кетсек, 11-январда Бишкек мэрин шайлоо өтүп, анда Албек Ибраимов жеңишке жеткен. Ал 29 добуш топтогон. Анын атаандашы Нурдин Абдылдаев 12 добушка ээ болгон. "Баарына каршы" деп 2 депутат добуш берген.

Автор: Нургазы Аматов

14:40 13-01-2017

Жазылуу

РУБРИКАДАГЫ СОҢКУ КАБАРЛАР

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 149 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 163 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1152 0

21:48 2025-05-14 | Түркүн дүйнө

Атактуу блогер Гусейн Гасановго издөө жарыяланды 1013 0

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 1155 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 899 0

Архив

Комментарийлер (11)

stimyl.kg

2017-01-13 14:44:52

Кайрадан мэрди шайлоо отсо жакшы болмок. Мыйзамды бузуу менен булар шайланып келишкен. Бул ыкма азыркы бийликтин эн жакшы оздоштургон ыкмалары. Таза шалоо эчкачан болбойт таза шайлоо качан бийликке таза адамдар келгенде болот.

Defnejim

2017-01-13 14:45:14

Бюллетеньде экооно тен макул деген белги болсо,кимисинин пайдасына чечип коюшат? Кандай негизде?

Fatimka

2017-01-13 14:49:21

Бул ишти аягына чыгарыш керек. Мэрди шайлоо кайрадан, таза отуш керек. Жана эл учун, шаар учун иштей турган адам келиш керек.

Asem89

2017-01-13 14:51:58

Кечээ эле Ибраимовдун колун кысып куттуктады эле го, бугун мындай...

din_tomas

2017-01-13 15:13:06

Asem89,
Колун кысканы "добрый куттуктоо" эмес экен д

EPHIC

2017-01-13 15:59:22

Эшмат келсе деле Акмат келсе деле ошо. Мага баари бир!

-2

kuba.kq8705

2017-01-13 15:00:25

женилген курошко тойбойт болуп жатырыго

-2

elchi84

2017-01-13 15:40:03

Ошто да ошондой болгон Мелисти эптеп откузбош учун кандай гана аракеттер болду телевидениядан жамандап коркутуп уркутуп откузгон эмес.Бийликтин Адаму болсо жон эле Мер болот.

tolik_t

2017-01-13 23:38:00

XXX барат. Шайлоо жайлоо болуптурда

admin_portal

2017-01-16 11:28:06

tolik_t, этика нормаларын сактаңыз!

shamalchanin

2017-01-14 06:25:17

Мен мисалы байкай элекмин Ибраевтин результат корсотконун. Шаар учун эмне жумуш кылды?

Комментарий калтыруу үчүн өз ысымыңыз менен кириңиз же каттоодон өтүңүз.