Түп районунда балык кармаганы кеткен эки тургунду издөө иштери натыйжасыз болууда

Түп районунда балык кармаганы кеткен эки тургунду издөө иштери натыйжасыз болууда. Бул тууралуу бүгүн, 2-февралда Өзгөчө кырдаалдар министрлигинен билдиришти.

Маалыматка караганда, 30-январь күнү Күрмөнтү айылынын 2 тургуну Кутургу айылы менен Фрунзе айылынын ортосундагы көлгө балык кармаганы барып, ошол бойдон дайынсыз жоголгон. Издөө иштерине 4 куткаруучу, милиция кызматкерлери жана жергиликтүү бийлик өкүлдөрү тартылган. Азырынча издөө иштери натыйжасыз болууда. Эртең дагы кошумча суучулдар тартылат.

Автор: Бекжан Рыскулов