Бишкекте “Нефтяниктер аллеясы” пайда болду

26-октябрда Түштүк магистралдын Масалиев көчөсүнүн эки тарабына Токтоналиев көчөсүнөн тарта Ала-Арча суусуна чейин 400 жазы жалбырактуу жана ийне жалбырактуу дарактардын көчөттөрү отургузулду.

Мындан ары Түштүк магистралдын бул бөлүгү “Нефтяниктер аллеясы” наамын алмакчы.

Бишкек шаардык мэриясынын алдындагы “Жашылдандыруу” муниципалдык ишканасынын борбордун жашыл фондун масштабдуу жаңылоо максатындагы долбоорунун алкагында Дене тарбия жана спорт мамлекеттик комитет башкармалыгынын башчысы Рысбек Мааткабылов көчөттөрдү отургузуу боюнча эстафетаны “Газпром нефть Азиянын” башкы директору Аскар Бектеновго өткөрүп берди. Аллеяга 400 даана тамырлуу даяр жазы жана ийне жалбырактуу бактардын липа, зараң, каштан, чынар, арча сыяктуу түрлөрү отургузулду. “Жашылдандыруу” ишканасы бак отургузуудагы керектүү курал-жарактар менен камсыздап беришти.

Ошондой эле мекеменин агрономдору көчөттөрдүн өзгөчөлүктөрү тууралуу түшүндүрмө берип, аларды кантип туура отургузуунун жолдорун көрсөтүп берип жатышты. Жашыл көчөттөрдү сугаруу үчүн атайын канал казылып жана ирригациялык түйүн орнотулду. Мындан соң аллея толугу менен велосипед менен жүрүүгө ыңгайланып жасалмакчы.

Иш-чарага “Газпром нефть Азия” ишканасынын 170 кызматкери катышты. Ошондой эле компания иш-чараны атайын техникалар менен камсыздады.

Компания айлана-чөйрөнү ыңгайлуу сактоо жана пайдалануу концепциясын колдоп, бул багытта төмөнкүдөй программалардын алкагында иш жүргүзөт:

  • “Газпромнефть” май куюу түйүндөрүндө экологиялык ЕВРО-5 стандартындагы жогорку сапаттагы күйүүчү май куюлат;
  • Компаниянын бардык объектилеринде өнөр-жай жана экологиялык коопсуздук боюнча процедуралар толук киргизилген. 2015-жылдан тарта “Газпром нефть Азия” ушул тармакка эле 185 миллион сомдун айланасындагы акча каражатын жумшаган;
  • 2017-жыл “Газпром нефть Азияда” Экология жылы деп жарыяланды.

“Газпром нефть Азиянын” генералдык директорунун орун басары Аскар Бектенов: “Айлана-чөйрөгө аяр мамиле жасоо – компаниянын эң башкы артыкчылыктарынын бири болуп саналат. Ошондой эле ушул сыяктуу экологиялык өңүттөгү долбоорлорго катышууга жана колдоого дайым даярбыз. Бүгүнкү күндө ар бирибиз жаркын жана эң негизгиси саламат келечек үчүн өз салымыбызды кошуп жатабыз. Мен бул аллея аз убакыттын ичинде жашылданып, бишкектиктердин сүйүктүү эс алуу жайына айланат деп ишенем”, - деди.


кошулду
Бишкекте "Нефтяниктер аллеясы" пайда болду
РУБРИКАДАГЫ СОҢКУ КАБАРЛАР
Архив
Комментарийлер (6)
Aykan08
2017-10-31 14:38:22
Бишкек шаарына жашылдандыруу эн эле керек болчу. Ушундай иш-чаралар коп болуп турсун!!!Азаматтар!!!!
+3
dastan.bujun
2017-10-31 18:49:52
Эн соонун газпромнефт жакшы иштерди жасайт ищинерге ийгилик элге мындан ары да кызмат кыла бергиле.
+2
Baatirbek81
2017-10-31 19:17:33
Өнүгүп өсө берели
+3
Girl1996
2017-11-01 11:01:03
ishinerge iygilik, Allahym koldosun!
0
elchi84
2017-11-01 13:25:34
Газпром нефть жакшы иш чара жасап жатыптыр многу кытай фирмалары коп алар бак дарак эксе болбойбу. ?Эптеп Кыргызстанды сормой.
0
gute
2017-11-01 14:15:08
жакшы иш болуптур. Бирок эми сугарып бактарга суу берип тургула бизде байкуш бактар суу жетпей эле куурап калчу эле
0
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан