Вице-премьер күйүүчү майды өлкөнүн түштүгүнө темир жол аркылуу жеткирүү жолдорун карап чыгууну тапшырды

Вице-премьер-министр Дайыр Кенекеев 20-январь күнү Чычкан капчыгайына бензовоз кулаган фактысы боюнча жумушчу кеңешме өткөрдү. Бул тууралуу өкмөттүк аппараттан 24-январда кабарлашты.

Кеңешменин жүрүшүндө Кенекеев акыркы учурда бензовоздордун катышуусу менен жол кырсык фактылары арбып жаткандыктан аталган окуя республиканын жарандары арасында кооптонууларды жаратып жаткандыгын белгиледи. Буга байланыштуу кеңешмеде күйүүчү-майлоочу материалдарды коопсуз жол менен ташуу маселеси каралды.

Транспорт жана жол министрлигинин маалыматы боюнча, бүгүнкү күндө күйүүчү-майлоочу материалдар өлкөнүн түштүгүнө Бишкек-Ош жолу аркылуу унаа менен жеткирилет. Мындай ташуу өзгөчө кыш мезгилинде абдан татаал болуп эсептелет.

Күйүүчү-майлоочу материалдарды коопсуз ташууну камсыз кылуу максатында Кенекеев тийиштүү мамлекеттик органдарга күйүүчү майды республиканын түштүгүнө темир жол транспорту аркылуу жеткирүү мүмкүнчүлүгүн кароо, аны менен катар Өзбекстан Республикасы менен темир жол аркылуу жүк ташуу тарифтерин төмөндөтүү боюнча маселени иштеп чыгуу тапшырмасын берди.

Айта кетсек, 20-январь күнү Чычкан капчыгайында күйүүчү май ташыган унаа сууга түшүп кетип бир адам каза болуп, эки адам жаракат алган. Андан сырткары аталган унаадагы күйүүчү майдын бир бөлүгү сууга төгүлүп, балыктар кырылып жатканы тууралуу Экологиялык жана техникалык коопсуздук боюнча мамлекеттик инспекциясынан билдиришкен.

Автор: Жамалидин Парманкулов

19:27 24-01-2018

Жазылуу

РУБРИКАДАГЫ СОҢКУ КАБАРЛАР

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 202 0

21:08 2025-07-08 | Кылмыштар, кырсыктар

Чүйдө 39 жаштагы киши өз энесин сабап, изин жашырып кетти 602 0

20:30 2025-07-08 | Кылмыштар, кырсыктар

Байтик айылындагы жер тилкелерин бөлүштүрүү иштери текшериле баштады 285 0

19:43 2025-07-08 | Саясат

Якутияда XXII Манчаары оюндары башталды 469 0

19:24 2025-07-08 | Түркүн дүйнө

Трамптын Казакстанга жеткен катына жооп берилди. Эмне кеп? 1308 0

18:59 2025-07-08 | Коом жана турмуш

Түп районундагы бир нече айылда сел жүрдү (видео) 549 0

Архив

Комментарийлер (4)

Leilek-razzakov

2018-01-24 20:34:11

Бир гана куйуучу май эмес, элдерди ташыган деле поездерди коюшса болот.

econom313

2018-01-24 20:50:20

Эң керектүү кадам

stal.ks

2018-01-24 21:26:26

эн туура маселе

Belekus

2018-01-24 23:29:21

ал айтып коюш онойда, ошо менен бутот соз, поезд жолдору бизде тупикте - чуй менен ош байланышпайт, ал учун казактар менен озбектер менен суйлошуп транзитти тууралаш керек, 20 жылдан бери бир соз табыша албай койдук, эки кундоле минтранс маселени чечип коймок беле?

Комментарий калтыруу үчүн өз ысымыңыз менен кириңиз же каттоодон өтүңүз.