"ЭЛДИК КАБАРга" жооп: "Чычканда күйүүчү май ташыган унаа сууга түшүп кетип, 1 адам каза болуп 2 адам жаракат алды" дейт ӨКМ (толукталды)

Жалал-Абад облусуна караштуу Токтогул районунун Чычкан капчыгайында күйүүчү май ташыган унаа сууга түшүп кетип бир адам каза болуп эки адам жаракат алды. Бул тууралуу Өзгөчө кырдаалдар министрлигинин басма сөз кызматынан билдиришти.

"20-январда саат 23:15тер чамасында Бишкек-Ош унаа жолунун 264-чакырымында "Фредлайнер" үлгүсүндөгү күйүүчү май ташыган унаанын айдоочусу рулду башкара албай Чычкан суусуна түшүп кеткен. Натыйжада бир адам каза болуп, эки адам жаракат алган. Жабыркагандар Токтогул районунун ооруканасына жаткырылып, каза болгон адамдын жансыз денеси да ушул эле оорукананын өлүк сактоочу жайына жеткирилген", - деп билдиришти басма сөз кызматынан.

Эскерте кетсек, буга чейин окурман SUPER.KG порталына "Бишкек-Ош жолунда күйүүчү май ташыган унаа Чычкан суусуна кулап кетип 1 адам каза болду", - деп билдирген болчу.

Ал эми бул окуя боюнча Экологиялык жана техникалык коопсуздук боюнча мамлекеттик инспекциясына кайрылганыбызда аталган унаада 30 тоннадай бензин болгонун, анын канча бир бөлүгү сууга төгүлгөнүн билдиришти.

"Азыр канча көлөмдөгү бензин сууга төгүлдү белгисиз, унааны суудан алып чыкканда так билинет. Учурда биздин кызматкерлер бензин төгүлгөн сууну текшерип жатышат. Лабораториянын жыйынтыгы менен төгүлгөн бензиндин канчалык зыян алып келгени белгилүү болот", - деп билдиришти аталган мекемеден.

Автор: Кенжебай Сатканалиев

жаңыланды 13:29 22-01-2018
кошулду 16:15 22-01-2018

Жазылуу

РУБРИКАДАГЫ СОҢКУ КАБАРЛАР

13:37 2024-05-17 | Коом жана турмуш

Бишкектин айрым жерлеринде үч күн газ болбойт 61 0

13:01 2024-05-17 | Түркүн дүйнө

Нөшөрлүү жаандан улам Ашхабадды суу каптады 355 0

13:00 2024-05-17 | Супер-Инфо

Эртай, Искаков, жарандык активист: “Кызынын 11 кабыргасы сынса да, апасы тосмо арыз жазганы жүрөт...” 167 0

12:59 2024-05-17 | Түркүн дүйнө

Казакстандын президенти 71 жашка чыкты. Токаевдин туулган күнү кандай өтөт? 248 0

12:45 2024-05-17 | Кылмыштар, кырсыктар

Жалал-Абадда чек арадан мыйзамсыз өткөн Өзбекстандын жараны кармалды 198 0

12:35 2024-05-17 | Кылмыштар, кырсыктар

Чүйдө мектеп окуучусун сүзүп кеткен унаа айып короого киргизилди (видео) 277 0

Архив

Комментарийлер (2)

aiba.8327

2018-01-22 11:02:55

бул май ташган уналарды козомолго алышабы деги канчалаган май сууга агып кетти балыктар олуп бактар куурап жатат ушундай шалакылыктын айынан ..арты кайрылуу болсун кайтыш болуп кеткен адамдын ..

Baatirbek81

2018-01-22 13:47:13

Түштүкө карай бараткант май ташыгын уналардан канчанчысы болуп кети буларды каттуурак көзөмөл кылуу керек

Комментарий калтыруу үчүн өз ысымыңыз менен кириңиз же каттоодон өтүңүз.