Казакстандын укук коргоо органдары тарабынан Жогорку Кеңештин депутаты Дамирбек Асылбек уулунун кармалганы айтылууда

Казакстанда атайын операциянын жүрүшүндө Жогорку Кеңештин депутаты Дамирбек Асылбек уулу кармалганы айтылууда. Казакстандык ЖМКлардын маалыматына караганда, 15-16-февраль күндөрү өлкөнүн укук коргоо органдары тарабынан Алматы, Жамбыл жана Түштүк Казакстан облустарында бир убакта чоң масштабдагы атайын операция жүргүзүлгөн. Ал коңшу өлкөнүн Башкы прокуратурасы, Улуттук коопсуздук комитети жана Коррупцияга каршы аракет көрүү боюнча улуттук бюросунун координациясында ишке ашкан. Атайын операция бажыга байланыштуу тармагындагы укукка каршы ишмердүүлүктү токтотуу, Казак өлкөсүнүн чек арага жакын аймагында контрабанда менен шугулданган уюшкан кылмыштуу топторго каршы аракетти күчөтүү максатында иш жүзөгө ашкан. Атайын операциянын жыйынтыгында 29 шектүү адам кармалган.

Алардын арасында Казакстан мамлекетинин бажы тармагында, укук коргоо органдарында иштеген кызматтагы адамдар, брокерлер, ортомчулар, кылмыштуу топтун мүчөлөрү жана Кыргыз мамлекетинин эки жараны бар болгондугу кабарланды. Кармалган Кыргыз жарандарынын бири - Жогорку Кеңештин депутаты Дамирбек Асылбек уулу экендиги айтылууда.

Жогорку Кеңештеги "Кыргызстан" фракциясынан депутат Салайдин Айдаров SUPER.KG'ге билдиргендей, Дамирбек Асылбек уулунун кармалганы боюнча так маалымат жок.

"Мен дагы азыр гана Казакстандын басылмаларынан окуп таң калып отурам. Бирок расмий маалыматтар жок болууда", - деди Айдаров.

Белгилей кетсек, ушул аптанын башында эле интернетке Жогорку Кеңештин депутаттары Дамирбек Асылбек уулу менен Салайдин Айдаровдун жана "Аю" компаниясынын жетекчиси Шаршенбек Абдыкеримовдун өзбекстандык олигарх “Салим байбачага” чапан жапкан сүрөтү тараган.

Салайдин Айдаров “Салим байбачага” эмне үчүн жолукканын жана чапан жапканынын себебин түшүндүрүп берген. Анын белгилешинче, интернетке тарап жаткан сүрөт 2014-жылы Өзбекстанда тартылган.

Автор: Жамалидин Парманкулов

08:02 17-02-2018

Жазылуу

Тектеш кабарлар:

Депутат парламентте Казакстанда кармалган Дамирбек Асылбек уулу боюнча маалымат угууну сунуштады

Интернетке Дамирбек Асылбек уулу Казакстандын атынан күрөшүп жүргөн видео жарыяланды

ТИМ: "Дамирбек Асылбек уулунун кош жарандуулугун тастыктаган документ өкмөткө жана президенттик аппаратка жөнөтүлдү"

Казакстанда кармалган Дамирбек Асылбек уулунун жубайы Айсулуу Эрмектин эмне бизнес кылары белгилүү болду

Жогорку Кеңештин мурдагы депутаты Дамирбек Асылбек уулу Казакстандын жарандыгынан ажыратылды

Казакстанда кармалган депутат Дамирбек Асылбек уулу дарылануу үчүн башка бөлүмгө которулду

2 паспорту бар депутат Дамирбек Асылбек уулун Казакстан өз мыйзамдарына ылайык жазалай алат

БШК: "Дамирбек Асылбек уулунун кош жарандуулугун тактоо боюнча суроо-талаптын жообу келе элек"

Жогорку Кеңештин экс-депутаты Дамирбек Асылбек уулу Казакстанда 10 жылга соттолду

"БШКга Дамирбек Асылбек уулунун Казакстандын жараны экенин тастыктаган расмий маалымат түшө элек" дейт Бекматов

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (19)

ararat...

2018-02-17 00:01:03

Балык башынан сасыйт болгон го...

+15

Maks_shop

2018-02-17 02:56:15

Баары эле ошол менен бизнес кылышатта

Nevestkaa

2018-02-17 08:12:24

Депутаттар ошол үчүн бай турбайбы,биздин бир ай тырбалаңдап тапканыбызды булар бир саунага барып жок кылып коет турбайбыыы көрсө.

+11

rysik79

2018-02-17 08:29:57

Кармалыптыр дешип жатса акча сурап жатышат дегени го. Каз менттери жаман, полиция кантсе да ставкалары биздикинен 4-5 эсе коп. Кичине саап коё беришет да баур менттери. Биздин жепутатыбыз адам олтурду беле камап салгандай. Сары санаага алдырбайлы туугандар. Келет эртен эле эч нерсе болгон жок деп)))))..

jbolotov

2018-02-17 09:15:34

rysik79,кеп Кыргыз элинин намысында болуп атат. Жогорку Кененштин мучосу нарко боюнча кармалып.

Adiletia

2018-02-17 12:25:07

Партияны шайлайсың ичинде кандай чириктер бар экенини билбейсиң. Өлкөдөгү кырдаалды түшүнбөгөн чайниктер акча берип депутат болуп алган өзүнүн бизнесин өнүктүргөнгө. Кыргызстан эч качан өнүкпөй калды окшойт жегичтерден.

Adiletia

2018-02-17 12:25:33

Бул наркобаронду биринчи жолу угуп атам

jbolotov

2018-02-17 09:16:22

ЖК тарап эле кеткилечи, Жжжнбеков таратып таза адамдардан тузсо жакшы болмок.

baisogur

2018-02-17 09:48:57

Депутаттардын 90пайызы иштебей,ушундай кызыкчылыктар менен креслодо чардап отурушат,наркотик корупция менен 98пайызы ооруйт,бизге 70депутат жетет 20масы закон жазсын 50депутатыбыз эл кыдырып иштесе жетиштуу!!!

taalay25

2018-02-17 09:50:05

Кыргызстан деген атты жамынган-Кылмыштандар!

Nanei

2018-02-17 10:13:06

Биздикилер тан калып эле отура беришет. Дайыма кимиси болсо да ушул жоопту айтышат. Наам алган артисстерден бери тан кала беришет ко ,наам алдын деп тлф чалышса

RusMos76

2018-02-17 10:14:34

Депутат охзу каалаган учурда басып кете берсе болобу. Депутат иш ордунда жок болгондон кийин сураштырыш кнрек да тируубу, барсынбы уйбулосунон сураш керек мектептеги баланы дагы сурайт го балан эмнеге сабакта жок деп.

dosym

2018-02-17 11:19:16

Акыркы бир айдын ичинде ЖК абийири айрандай эле төгүлүп бүттү, өздөрү эле сезип тынчтык жолу менен тарап кетсе болмок

bazarkyl

2018-02-17 12:12:06

Акчанын баары таможня да , ошонун аркасынан барган окшойт

Kanybek121195

2018-02-17 12:33:41

Партия менен емес жон бир бирден шайланып барыш керек еле ошондо ел каалаган депутатына добуш бермек. Азыр булар партия

Kanybek121195

2018-02-17 12:34:29

Анан 120 емес 70 кылып кыскартыш керек санын

RaHat19

2018-02-17 21:59:02

экинчиси ким болду кармалгандардын

jbolotov

2018-02-18 11:08:10

Текебаевдин кочуруп жазган мыйзамы качвнга чейин зыянын тийгизет? Парламенттик тузулушту тез жоюп жоопкерчиликти алган бир кучтуу президент болуш керек, ото илимдуу юристерден экономистерден турган 20 депутат болсо ошол толук жетет.

Комментарий калтыруу үчүн өз ысымыңыз менен кириңиз же каттоодон өтүңүз.