Бишкек ЖЭБди оңдоодо уурулук фактысы аныкталып, "Электр станциялары" ишканасынын жетекчисинин мурдагы орун басары кармалды

Бишкек ЖЭБди оңдоодо уурулук фактысы аныкталып, "Электр станциялары" ишканасынын жетекчисинин мурдагы биринчи орун басары Бердибек Боркоев кармалып, тергөө абагына киргизилди. Бул тууралуу Улуттук коопсуздук мамлекеттик комитетинин басма сөз кызматы кабарлады.

Маалыматка ылайык, Бишкек ЖЭБди оңдоодо ири суммадагы уурулук фактылары аныкталган. Атайын кызмат 3-мартта билдирүү таратып, "Электр станциялары" ишканасынын айрым жетекчилери жасалма келишимдерди түзүү жолу менен компанияларга акча которгонун, бирок ЖЭБ оңдоп-түзөө жумуштарын өз күчү менен жүргүзгөнү аныкталганын билдирген. Уурдалган каражат 2017-2018-жылдардагы күз-кыш мезгилине карата даярдыктарга бөлүнгөн.

УКМК бул фактылар боюнча кызмат абалын пайдалануу менен ишенип берилген мүлктү ыйгарып алуу, ачык соода-сатыктарды, аукциондорду же тендерлерди өткөрүүнүн тартибин бузуу, коммерциялык же башка уюмдардын кызматчыларынын ыйгарым укуктарын кыянаттык менен пайдалануу, документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же алардын жасалмаларын пайдалануу беренелери боюнча кылмыш ишин козгогон.

Белгилей кетсек, Бердибек Боркоев кызматынан ушул жылдын 6-февралында бошотулган. 19-февралда өкмөт үйүндө ЖЭБдеги авариянын себептерин иликтеген өкмөттүк комиссиянын жыйынында кызматтан алынгандардын катарында Боркоевдин да аты аталган болчу.

Автор: Мунарбек Жоргомов

07:35 05-03-2018

Жазылуу

Тектеш кабарлар:

Бишкек ЖЭБин модернизациялоо боюнча иликтөөнүн жыйынтыгы бир айдын ичинде аяктайт

Мурдагы премьер-министр Темир Сариев УКМКда сурак берип жатат

ЖЭБ соту: Отурумда Бишкек ЖЭБи Кытайдын стандарттары менен жаңылангандыгы айтылды

ЖЭБ соту: "Электр станциялары" ишканасынын мурдагы башчысы Салайдин Авазов 11 жыл 3 айга эркинен ажыратылды

ЖЭБ соту: "Бул отурум цирк болуп калды". Судья менен Сапар Исаковдун жактоочулары ортосунда келишпестик жаралып, Исаков судьяны бул иштен баш тартуусун талап кылды

Райондук сот Жантөрө Сатыбалдиев, Айбек Калиев жана Салайдин Авазовдун абакта калуу мөөнөтүн узартты

ЖЭБди модернизациялоо боюнча айыпталуучулардын сурагы соңуна чыкты. Кийинки отурум 14-ноябрда уланат

Камактагы Осмонбек Артыкбаев ооруканага жаткырылды

Сот депутат Артыкбаевдин баш коргоо чарасын тандады

ЖЭБ соту: Мурдагы өкмөт башчы Жантөрө Сатыбалдиев: "Суракка Алмазбек Атамбаев менен Өмүрбек Текебаевдин чакыртылышын өтүнөм"

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (13)

Azat.97

2018-03-04 10:36:31

386 млн долларды да ушуга окшогондор жеген да

raikakyz

2018-03-04 10:41:42

Жеке Боркоев эмес дагы чыгат дыкат изилдесенер.386млн$ канча адамдын капчыгына кирген болсо керек,дагы тапкыла жегичтерди.

BarsBaatyr

2018-03-04 10:45:20

Майда жегенденин кармайт дагы чон жегендери кармабайт.Себеби алар менен биздин чинтовниктер дагы болушкон.

shamshiev.80

2018-03-04 10:54:44

Замы жесе Самы кандай корбой отурду?

toktor89

2018-03-04 10:57:26

Алганын ордуна коюп койсун.

bekov01

2018-03-04 12:26:02

Орун басарынан мурун жетекчисин камаш керек анан орун басарды. Жетикчи болгондон кийин бардыгын козомолдоп жоопкерчиликти оз мойнуна алыш керек

jbolotov

2018-03-04 13:07:37

Булар майда чуйдолору, 386 млн$ жегендер силерди Кыргыз элинин кусуру урсун, башка соз жок. Балким башка бийлик келгенде жазаланаар. Булар бири бирин чукушса баары жеген болуп чыгышатда ошондуктан элдин моюнуна илинген карыз болуп калаберет, ачылбайт бул иш.

KGstan1981

2018-03-04 13:14:09

Майда балыктарды карма эрбей.Чон киттерди дагын кармагылачы.

KUBI

2018-03-04 15:50:00

Мындай кылгылачы, жэбдин баарын эле камагыла.Камерадан бирден алып чыгып сурай бересинер.

Nurbek_aika

2018-03-04 20:59:31

Бул жебеген деле болсо керек.Өмүр бою энергетика тармагында иштесе.Крышасы жок окшойт да.Учуп келип отургандардан жакшы адис.Эптеп эле элди алдаш керек да,биз муну камадык деп.Акчаны жегендер башка жакта отурат болуш керек,майлуу сүттү жерде
..

taku1414

2018-03-04 21:10:30

Бул жерде чон корупциялык иш болуп атса ууруну кармадык дегенден уялышпайбы. Эптеп эле бироону садага чаап элди алдоо.

nurbekasr

2018-03-05 08:44:31

Бул чабактары болуш керек 386 млн $жегендердин.Эң крупный сугунганда жогору жакта олтурушат жана олтуруп кеткен.Кытайга барабыз деп бир аралга эс алып бекер ойноп эсалып келген депутаттарды сурадыңарбы?Эмне үчүн азыркыга чейин үн сөз жок го.Элге 386 млн $отчётун бергиле.Кышта тоңгондорго үйүндө компенсация төлөп беришсин айткыла.Анан эле кыйын болуп чыга келишет иштеп жаткан түр көрсөтүп кечээги Баткен авиарейсинин ишин козгодук деп.Биринчи ЖЭБде 386млн жегендерди тапкыла.

ruslanz

2018-03-05 12:24:00

Орун басар жетекчисиз (Калиев) эчтеке кыла албайт.Боркоевди садага чаап жатышат.

Комментарий калтыруу үчүн өз ысымыңыз менен кириңиз же каттоодон өтүңүз.