Бүгүн, 28-августта Индонезияда өтүп жаткан Жайкы Азия оюндарында жеңил атлетика боюнча мелдештер орун алды.
Анда 5 чакырым аралыктагы жарышта Кыргыз өлкөсүнөн Дарья Маслова катышып, фиништик чийинге 15 мүнөт 30,57 секундда жетти. Бул көрсөткүч менен кыргыз жөө күлүгү күмүш медалды тагынды.
1-орунду 15 мүнөт 8,08 секунд жыйынтыгын көрсөткөн бахрейндик Калдикан Бефкаду ээледи. Ал эми коло медалды дагы бир бахрейндик жөө күлүк Бонти Ребиту тагынды.
Эске салсак, буга чейин Дарья Маслова 10 чакырымдык жарышта алтын медаль тагынган.