IV Дүйнөлүк көчмөндөр оюну Түркияда өтөт. Мындай документке кол коюлганын Түрк лидери Режеп Тайып Эрдоган журналисттерге билдирүү жасап жатып билдирди.
Ал аталган иш-чара 2020-жылы өткөрүлө тургандыгын кошумчалады. “Көптөгөн максаттарды ишке ашыруу үчүн Кыргыз өлкөсүнө келдик. Бири-бирибизди түшүндүк. Биз көптөгөн маанилүү маселелерди талкууладык. Дүйнөлүк көчмөндөр оюндарынын ачылышына катышып жатканыма кубанычтамын. 2020-жылы бул оюн Түркияда өтөт. Буга кол коюлду”, - деди Эрдоган.
III Дүйнөлүк көчмөндөр оюндарынын ачылыш аземи 2-сентябрда Чолпон-Ата шаарында өтөт. Ага Эрдоган жана башка бир нече өлкө башчылары катышмакчы.