"Шадиевдин бир гана күнөөсү бар, ал Айтматов атындагы сыйлык боюнча кол коюп жатканда документтер менен таанышкан эмес" дейт жактоочусу

Кечээ, 5-ноябрда Жогорку Кеңештин экс-депутаты Аскарбек Шадиев 2-ноябрда жазылган "өлкөдөгү сот адилеттүүлүгүнө ишенбейм" деген билдирүүсү тараган.

Бул билдирүү тууралуу анын жактоочусу Учкун Каримов төмөнкүлөрдү билдирди. "Аскарбек Шадиевди жактап жаткандыгыма байланыштуу анын билдирүүсү менен макулмун. Анын бир гана күнөөсү бар, ал Жогорку Кеңештин эл аралык иштер, коргоо жана коопсуздук боюнча бөлүмүнүн башчысы Арсен Закиров берген документтер менен таанышпастан, тактабай туруп кол коюп берип койгон. Мунун кесепетинен 2017-жылдын 25-август күнү Шадиев Чыңгыз Айтматов атындагы сыйлык үчүн 30 миң долларды бөлүү боюнча парламенттин спикерине кайрылуу жөнөткөн. Ал акчаны бөлүм башчысы Арсен Закировдун өзүнө алганы аныкталган. Бул жерде Аскарбек Шадиевдин ишенчээктигинен пайдаланып кеткени анык. Ага тагылган айыптар негизсиз деп ойлойм жана анын позициясын колдойм", - деди Каримов.

Ал эми экс-депутаттын буга чейинки депутаттык мандатынан ажыратуу каты боюнча жана кечээ күнү таратылган билдирүүсү боюнча маалыматы жок экендигин баса белгиледи.

"Ал өзү жазганбы же жокпу, мен так маалымат айта албайм. Себеби мен анын кылмыш иши боюнча эле маалыматым бар жана ошол маселе боюнча гана аны коргойм", - деп кошумчалады жактоочу.

Окуянын чоо-жайы:

Ушул жылдын 29-апрелинде Аскарбек Шадиевге карата “кызматынан кыянаттык менен пайдалануу” беренеси боюнча Башкы прокуратура кылмыш ишин козгогон. 1-июнда УКМК Шадиевдин 27-апрелде Кыргыз өлкөсүнөн чыгып, АКШга кетип калганын аныктаганын билдирген.

25-июнда ага карата “чек араны мыйзамсыз кесип өтүү” беренеси боюнча кылмыш иши козголгон. 2-июлда Башкы прокуратура дагы бир кылмыш ишин козгоп, ал “мыйзамсыз жол менен алынган акчалай каражаттарды же башка мүлктү легалдаштыруу” беренесинин негизинде ачылган. 20-октябрда Шадиевдин иши боюнча тергөө аяктап, Башкы прокуратура ишти сотко өткөргөн. 2-ноябрда Аскарбек Шадиев Жогорку Кеңештин депутаты мандатынан ажыратылган.

Автор: Мальвина Уметбекова
Фото: Мальвина Уметбекова

07:36 07-11-2018

Жазылуу

Тектеш кабарлар:

Аскарбек Шадиев биринчи вице-премьерликтен кетүү тууралуу арыз жазды

УКМК "Аскарбек Шадиев эч жакка чыккан эмес" дейт

Сот Шадиевге карата сырттан 10 жылга күчөтүлгөн режимде жаза өтөө чечимин чыгарды, мүлктөрү мамлекетке өткөрүлөт

БШК: "Шадиев "Бир Болдун" чечиминин негизинде депутаттык мандатынан ажыратылды"

БШКнын мүчөсү депутат Аскарбек Шадиев кандай учурда мандатынан ажыратыла турганын айтты

Башкы прокуратура: "Депутат Аскарбек Шадиевдин иши сотко өттү"

Аскарбек Шадиевдин жана анын жакындарынын мамлекеттин эсебине өткөрүлгөн байлыктары (тизме)

Коргоо кеңешинин катчысы: "Аскарбек Шадиев өлкө ичинде"

Акылбек Жапаров: "Менин билишимче, Аскарбек Шадиев өлкөдө эле жүрөт"

"Мен тазамын". Шадиев билдирүү жасады

РУБРИКАДАГЫ СОҢКУ КАБАРЛАР

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 299 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1358 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 3082 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1314 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1264 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 2202 0

Архив

Комментарийлер (7)

BekAmir

2018-11-06 21:41:40

Шадиевке окшогондор куссун элдин ырыскысын тышкы карызды толошсун. Ансызда кытай коркунуч туудуруп баштады

taalay25

2018-11-06 22:52:53

Оппа Учкун адвокат болуп алганбы?

BarsBaatyr

2018-11-06 23:55:55

Ууру тойгончо жеп, өлгөнчө карганат.

JaneEr

2018-11-07 09:58:24

Тим эле актанганын.

asad9

2018-11-07 10:11:50

Ууруларды жактаганды токтоткулачы Жактоочу сөөрөйлөр. Алар менин сенин баарыбыздын кыргыз элибиздин Мамлекетибиздин тагдырына балта чаап жатпайбы Түшүнсөңөр. Эмне аялын дагы бир күнгө келишим түзүп сатып алса кол коюп бере береби

Dembele84

2018-11-07 10:47:22

Акча берип оозун майлап койсо,буга окшогон адвокаттар ак кокту карабай актап эле жатып калышат да.

Nursbaike

2018-11-07 11:36:07

Эй жактоочу жаман Нервти ойнойт экенсин шалаакылык дейт буну Шадиев шалаакы тушундунбу шалаакы . Куноосу документтерди текшербегени эле деп акмак кантип уялбай суйлошот булар

Комментарий калтыруу үчүн өз ысымыңыз менен кириңиз же каттоодон өтүңүз.