Орусиялык жаран ага капчыгын кайтарып берүү үчүн 8 саат бою суукта күтүп турган такси айдаган Кыргыз жигити тууралуу жазып чыкты

Интернет колдонуучусу Варя Борцова өзүнүн социалдык тармактагы баракчасына таасирдүү окуя менен бөлүштү.

Варя Борцованын билдиргенине ылайык, ал чет элден Москва шаарына учуп келген. Үйүнө жетүү үчүн жолдон такси кармаган. Үйүнө кирип, бир аз уктап эс алган соң гана капчыгын таксиде унутуп калганын билген. Таксини көчөдөн кармагандыктан, ал кайсы такси кызматына тиешелүү экенин билбей калган. Капчыктын ичинде документтери, креддиттик карталар жана акчасы болгон.

Көп өтпөй терезеге жакын келген анын атасы үйдүн алдында бир такси турганын айткан. Борцова эшикке чыгып ал капчыгын унутуп калган таксист аны 8 сааттан бери таппай убара болуп жатканын билген. Аны менен сүйлөшүп ыраазычылыгын билдирген соң кыз ал Орусияда иштеп жүргөн Кыргыз жараны экенин угат.

Ошондой эле Борцова такси айдаган жигитке ыраазычылык катары акча бергенин кошумчалап, билдирүүнү жайлоонун сүрөтү менен толуктаган.

Ал эми Варя Борцованын өзү менен байланышканыбызда төмөндөгүлөрдү билдирди:

"Ооба, мен жазган билдирүүнүн каарманы Кыргыз жигити болчу. Анын бул кадамы дүйнөдө жакшы адамдар көп экенине дагы бир далил. Ал мени суук аба ырайына карабай 8 саат бою күтүп турган экен. Албетте, азыркы заманда менин окуям башкаларга жомоктой туюлушу мүмкүн, бирок бул чындык. Ар бир адам колунан келген жакшылыкты жасай берсе, дүйнөдө тынчтык жана бейпилдик орун алат деп ишенем", - деп билдирди Борцова.

Мындан сырткары Борцова көп жыл мурун 1 күнгө иш сапары менен Бишкекке келип кеткенин жана башынан өткөн окуядан кийин дагы сөзсүз келип кетерин кошумчалады.


кошулду
РУБРИКАДАГЫ СОҢКУ КАБАРЛАР
Архив
Комментарийлер (23)
Eli.91
2018-11-16 21:59:20
Супер баланыда таап интервью алгыла,балким ал да ОЗУ сыймыктанып айтып береер.
+20
Saidochka
2018-11-16 22:45:20
Азамат жигит экен,Ким болсо да
+15
ludimira
2018-11-16 23:01:36
Сыймык
+11
Alixan-Nookat.2015
2018-11-16 23:06:40
Өзү акыркы күндөрү жаман жактарын коргозгондор көп болуп кетти эле Россияда, а бул сонун жаңылык
+10
nursiyanur
2018-11-16 23:42:59
Азамат
+6
Paol
2018-11-17 02:59:38
Ата энесине ырахмат ушундай тарбия берген
+9
sherzatik
2018-11-17 06:34:57
Азамат ыйманыңа береке! Башкалардын кылган жаман иштерин жакшы ишиң менен жабыптырсың. Келгиле ушундай жигиттерден үлгү албайлыбы.Мен да Москвадамын кыргыздар ынтымак жок бизде бул ачуу чындык. Мени кечиргиле! Жакшы жагыбызды көргөзөлү.
+11
Benazir08
2018-11-17 08:37:22
Башка сайттардан да алкыш айттык эле бул жака да жаза кетейин. Ото тартиптуу назары ток жигит экен да. Кудай жолун ачсын ылайым. Азыркы заманда мындай жигиттер жок го эсе
+12
Adiletgo
2018-11-17 13:52:41
Элчилике билдириш керек, кичине сыйлап коюш керек, башкаларга улгу болот эле
+6
cholpon119966
2018-11-17 15:43:16
Дээринде бар жигит экен, азамат. Ушундай жагымдуу жанылыктар коп болсо экен...
+5
Boha1
2018-11-17 18:32:14
Азамат жигит экен. Кыргызды жакшы жагынан үлгү катары көрсөтүптүр.
+4
Goodyer
2018-11-17 22:29:42
Жигит орус кызды жактырып калып алдынан арык чапкан окшойт ко чамасы. Болбосо сегиз саат кутпой эле сегиз секундта чонтоко салып коймок
-4
alisa0910
2018-11-18 00:40:10
Азамат экен. Бул жасаган эрдиги кыргыздын,Кыргызстандын жузу жана сыймыгы!
+1
brentfo
2018-11-18 03:48:46
Корбогондон кийин Ким ишенет, мин уккандан Коро биркоргон артык дейтго.
-1
Tiken
2018-11-18 16:45:51
Тарбиялуу жигит экен.Ата-энесинен кандай тарбияны алса ошол нерсени жогорку КААРМАНыбыздан корсок болот.Азамат!!! Ушундай жигиттерибиз бар болушсун!!!
0
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан