Башкы прокуратура киши колдуу болгон прокурор Мамажакыповдун өлүмүнүн себебин айтты

Баткен облусунун прокурору Анарбай Мамажакыпов 17-ноябрь күнү облустук прокуратуранын кызмат адамдары жана Баткен облустук капиталдык курулуш башкармалыгынын башчысы Мелис Калыков менен аңчылыкка чыккан учурда киши колдуу каза болгон. Шектүү катары Мелис Калыков кармалып камакка алынган.

Башкы прокуратуранын Тергөө башкармалыгынын башчысы Замир Бейшекеев 29-ноябрда өткөргөн маалымат жыйынында шектүүнүн көрсөтмөсүнө таянып Мамажакыповдун өлүмүнүн себебин айтты. Анын айтымында, облустук прокуратура тарабынан Мелис Калыков жетектеген башкармалыктын ишмердүүлүгү эки жыл бою текшерилип келген.

"Калыков көрсөтмө берип жатып, кылмыштын себебин билдирди. Анын айтымында, облустук прокуратура тарабынан башкармалыктын ишмердүүлүгү акыркы эки жылда тынымсыз текшерилип, прокурор Мамажакыпов тарабынан коркутуулар болгон. Ошондуктан экөөнүн ортосундагы мушташка ушул нерсе себеп болгон деп жатабыз. Баткен облустук капиталдык курулуш башкармалыгында мыйзам бузуулар боюнча кылмыш иши козголгон", - деди Бейшекеев.

Баткен облусунун прокурору Мамажакыповдун Лексус 470 үлгүсүндөгү унаасы 17-ноябрь күнү кечинде Баткен шаарынын Турмаматов көчөсүнөн табылып, унаанын сыртында канга окшогон тактар бар экендиги билинген. Издөө иштеринин натыйжасында анын жансыз денеси 18-ноябрь күнү таңкы саат 6:00 чамасында Кызыл-Жол кварталынын батыш тарабындагы Танги-Өтөк участкасы жактан табылган.

Белгилүү болгондой, киши колдуу каза болгон Анарбай Мамажакыпов 1975-жылы Ош облусунун Чоң-Алай районунда туулган. Маркумдун артында төрт баласы калды. Ал ушул жылдын май айынан тартып Баткен облустук прокурору болуп иштеп жаткан. Ага чейин Талас шаарынын прокурору болгон. Анын сөөгү 19-ноябрда Чоң-Алай районундагы туулуп-өскөн Чак айылында жерге берилген.

Автор: Жамалидин Парманкулов
Фото: Жамалидин Парманкулов

07:33 30-11-2018

Жазылуу

Тектеш кабарлар:

Баткен ОИИБи: "Прокурордун өлүмүнө шектүү экөөнүн ортосундагы пикир келишпестик себеп болгон"

Баткен облусунун прокурорунун өлүмүнө айыпталып жаткан жаран ачкачылыкты токтотту

Баткен облустук Капиталдык курулуш башкармалыгынын кызмат адамдарына кылмыш иши ачылды

Прокуратура: "Баткен облустук прокурорун өлтүргөнгө шектелип кармалган Калыков маркумдун денеси тамекинин күлүнөн чыккан өрткө күйүп кеткенин айтты"

Баткен облустук прокурорунун өлүмүнө байланыштуу анын эки орун басары жана бөлүм башчылары жумуштан алынды

Киши колдуу болгон облустук прокурордун өлүмү: Окуянын чоо-жайын билүү үчүн башкы прокурор Баткенге барды

Башкы прокуратура: "Баткен облусунун прокурорун өлтүрүүнү өзүнүн орун басары уюштурган деген маалыматтар аныкталган жок"

Киши колдуу болгон прокурордун аңчылыкка кошо чыккан адамдар менен түшкөн сүрөтү жарыяланды

Баткен облусунун прокурору Анарбай Мамажакыповдун өлүмү боюнча соттук отурумда уруш чыкты

Прокурордун өлүмүнө шектелген чиновниктин жакыны: "Биздин каршылыгыбызга карабай инимди аңчылыкка прокурорлор өздөрү чакырып кеткен"

РУБРИКАДАГЫ СОҢКУ КАБАРЛАР

15:52 2025-06-09 | Коом жана турмуш

Баткенде мыйзамсыз ижарага берилген жер мамлекетке кайтарылды 58 0

15:39 2025-06-09 | Кылмыштар, кырсыктар

Баткенде 38 жаштагы аял асынган абалда табылды 214 0

15:30 2025-06-09 | Коом жана турмуш

"Натыйжа кайда?.." Бишкектин мэри Жунушалиев Депо-3тү текшерди 159 0

15:27 2025-06-09 | Түркүн дүйнө

"Гарри Поттер" сериалынын жылдызы Том Фелтон Драко Малфойдун ролуна кайтып келет 111 0

15:15 2025-06-09 | Кылмыштар, кырсыктар

Бишкекте 19 жаштагы жоокер өз жанын кыйды 461 0

15:14 2025-06-09 | Түркүн дүйнө

Роналду "Аль-Насрда" калууну пландап жатканын билдирди 210 0

Архив

Комментарийлер (1)

rysik79

2018-11-29 16:06:19

Капиталдык курулушту жеп тоюп алып анан мени текшерген учун олтурдум дегени кандай? Озун да жеп ичип тойгону учун атыш керек ошондо билет озу да, жакындары да. Оч деген бар кыргызда.

Комментарий калтыруу үчүн өз ысымыңыз менен кириңиз же каттоодон өтүңүз.