Румынияда ырчы унаасы менен Дунай дарыясына чөгүп кетти

Румыниялык 34 жаштагы ырчы Анка Поп Дунай дарыясына унаасы менен чөгүп кетип каза болду. Бул тууралуу чет элдик маалымат булактар жазууда.

Маалым болгондой, ырчы ушул жылдын 16-декабрында каза болгон. Ырчынын жакындары Анка Поп дайыма эс алуу күндөрү үй-бүлөсү менен кечки тамактанууга келип жүргөндү адат кылып алганын, бирок 16-декабрда келбегендигин билдиришкен. Мындан улам эжеси тартип сакчыларына кайрылган. Алар ырчыны дароо издөөгө алышкан.

17-декабрь кечке жуук суучулдар Дунай дарыясынан Анка Поптун жансыз денесин жана унаасын табышкан. Бул күтүүсүз кырсык катары айтылса дагы полиция кызматкерлери иликтөө иштерин улантышууда.

Автор: Жаңыл Ниязбекова