Бүгүн, 21-ноябрда кыргызстандык дзюдочу Данияр Мелисов Ташкент шаарында өтүп жаткан жаштар арасындагы дүйнө чемпиондугунда алтын медаль жеңип алды. Бул тууралуу федерациядан билдирди.
Мелисов 90 килограммга чейинки салмак ченинде күч сынашып, жалпы беш беттеште атаандаштарын жеңип чыкты.
Дзюдо федерациясы бул жеңиш кыргыз дзюдосунун тарыхындагы өзгөчө жетишкендиктердин бири болгонун белгилейт.
Эске салсак, буга чейин кыздар арасында Жанар Жолдошева күмүш медаль тагынган.