ЖЫЛ ЖЫЙЫНТЫГЫ-2018: Жээнбеков командасына кимдерди алып келди? Кадрдык өзгөрүүлөр (инфографика)

2017-жылдын аягында бийликке жаңы президент келгендиктен 2018-жыл кадрдык өзгөрүүлөргө бай болду. Өлкө башына келген Сооронбай Жээнбеков алгач укук коргоо органдарынын башчылары менен президенттик аппараттын курамын жаңылады. Көп өтпөй экс-президент Алмазбек Атамбаев учурунда куралган Сапар Исаковдун өкмөтү отставкага кетип, Жээнбековдун аппаратын жетектеп келген Мухаммедкалый Абылгазиев эски кадрлардан түзүлгөн жаңы өкмөттү сунуштап, ишин баштады. Бир түндө куралган Абылгазиевдин командасы жыл айланбай жарым курамын алмаштырды. Түрдүү интригалардан, коррупциялык иштерден улам кызматтан кетип жаткан өкмөттүн кадрлары жыл аягына чейин тыйылган жок. Биз сиздерге 2018-жылда ишке ашкан кадрдык өзгөрүүлөрдүн хронологиялык тизмесин сунуштайбыз.