Мохаммед Салах экинчи ирет Африканын "Мыкты футболчусу" деп табылды

Египет курамасынын жана "Ливерпуль" клубунун чабуулчусу Мохаммед Салах экинчи ирет Африка континентинин "Мыкты футболчусу" деп табылды. Мындай маалыматты Африка Конфедерациясына шилтеме берүү менен дүйнөлүк басылмалар жазып чыгышты.

Маалыматка караганда, сыйлоо аземи 8-январь күнү Сенегалдын Дакар шаарында болуп өткөн.

Аталган сыйлыкка Салахтан сырткары сенегалдык Садио Мане ("Ливерпуль") жана габондук Пьер-Эмерик Обамеянг ("Арсенал") да ат салышып жаткан. Мохаммед Салах 2017-жылы да "Мыкты футболчу" деп табылган.

Автор: Бектур Токтоноев