Бишкекте 4 баланы жалгыз багып жаткан аялдын үйү, үй ичиндеги бардык буюмдары толугу менен өрттөнүп кетти

Бишкекте 4 баланы жалгыз тарбиялап жаткан аялдын үйү, үй ичиндеги бардык буюмдары толугу менен өрттөнүп кетти. Бул боюнча балдардын апасы Елена Исаковага кайрылганыбызда, ал мындай жагымсыз окуя 26-январда өзү жумушта жүргөн учурда болгонун айтып берди.

Анын билдирүүсүнө ылайык, балдардын атасы мындан 5 жыл мурун оорудан улам каза болгон. Балдардын улуусу 14 жашта болсо, кичүүсү жакында 7 жашка толот.

"Мен шаардагы интернет клубдардын биринде пол жууп иштейм. Анткени ал жерде иш графиги эркин болгондуктан мага балдарымды кароо менен ал жумушту айкалыштыруу ыңгайлуу. Алган айлыгымды бешөөбүзгө жеткирүүгө аракет кылып күн көрүп жатканбыз. Ошол күнү да жумушта болчумун, мен үйдөн чыгып бара жатканда электр энергиясы жок болчу, кийин электр энергиясы күйүп, чукул туташуудан өрт чыгып кетиптир.

Үйдө 2 кызым бар болчу, алар уктап калган экен, түтүндөн ойгонуп коргонуп калышыптыр. Алардын аман-эсен экенине шүгүр кылып отурам", - дейт Исакова.

Ал белгилегендей, 3 баласы мектепте окуйт. Өрт болгон күнү үйдөгү эмеректерден тартып кийим-кече, болгон буюмдун баары толугу менен күйүп кеткен.

"Бир күндө эч нерсебиз жок калдык. Балдар сыртка качып чыкканда кийип жаткан кийимдери менен болчу. Үстүлөрүндө андан башка кийими жок эле, коңшулар үйлөрүнөн кийим алып чыгып кийгизишти. Алар азыр улгайып калган апамдын үйүндө, убактылуу ошол жакка алып барып турдум. Өзүм болсо батирди кайра оңдоп-түзөшүм керек. Бирок бул үчүн менде каражат жок, балдарымды апамдыкында көпкө калтыра албайм, мындан улам керектүү тамак-аш, оңдоо иштери үчүн жардам керек болуп жатат", - дейт ал.

Өрт кырсыгына күбө болгондордун бири кыздар ошол күнү 2-кабаттагы терезеден жолдогу адамдардын колуна секирип түшкөндүгүн билдирет. Ошондой эле ал Исакова балдарын багуу үчүн кара жумуштарды жасап күн өткөрүп келе жатканын, жалгыз бой эне үчүн кайра үйүн калыбына келтирүү бир топ кыйын экенин белгилейт.

Елена Исаковага жардам берүүнү каалагандар 0553 157 752 номерине байланышса болот. Элсом номери 0553157752.

Автор: Кызжибек Раимова
Фото: Елена Исакова

07:30 29-01-2019

Жазылуу

РУБРИКАДАГЫ СОҢКУ КАБАРЛАР

09:22 2025-07-12 | Коом жана турмуш

Бишкекте Огонбаев көчөсү убактылуу ачылды 83 0

09:13 2025-07-12 | Коом жана турмуш

Рубль менен доллардын сомго карата наркы 275 0

23:17 2025-07-11 | Түркүн дүйнө

"Шереметьево" аэропортунда жерге ыргытылып жабыркаган наристе ооруканадан чыгарылды 1144 0

22:48 2025-07-11 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 3237 0

22:07 2025-07-11 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 4331 0

21:27 2025-07-11 | Кылмыштар, кырсыктар

Ошто жаш кызга карата туура эмес мамиле жасаган агайга чара көрүлдү 2290 0

Архив

Комментарийлер (7)

Umakg

2019-01-28 14:02:45

Кудай сактасын мындай нерседен колумдан келсе озум ремонть кылып берет элем

gulmira12345

2019-01-28 15:04:44

Орт кырсыгын окмот толоп ремонт кылып бериш керек жок дегенде карапайым эл и так оорулуларга жардам берип атат

Aikaaaa

2019-01-28 15:59:07

Эгерде үйдү камсыздандырып койгон болгонунда, ошол агенстволор ремонт кылып беришет беле? Же мындай кырсыктар каралбайбы?

Jagym94

2019-01-29 09:10:41

Aikaaaa,Биздин айылда эженин камсыздандырылган уйу куйуп кетип,эч нерсе кылып беришкен жок.20мин сом эле беришиптир

monok2001

2019-01-28 22:27:20

Туура эмес жазсам кечиресиздер.Жабырлануучу эже банкка эсеп ачса кайрымдуу адамдар жардам берет элек

Snikers18

2019-01-29 11:11:42

monok2001, ушул сунушту мен да колдойт элем. Мындай кырсыкты Кудайым сактасын. "Көп түкүрсө көл болот" дегендей, кайдыгер карабаган инсандар жардам берсек болот калайык-калкым. Алыбыздын жетишинче, 50-100 сомдон болсо деле.

Oreanda

2019-01-29 12:22:07

Эже,сизге Аллахым омур,ден-соолук берсин,уйунузду калыбына келтирип, балдарыныз менен жадырап жайнап отурган кунду насип кылсын Алла Таалам. Коп тукурсо кол болот,жакын адамыныз болсо РФде Сбербанк карта ачыныз, колдон келишинче жардам берели

Комментарий калтыруу үчүн өз ысымыңыз менен кириңиз же каттоодон өтүңүз.