Балдардын өмүрү коркунучта. "Кодекс жол кыймылынын эрежелеринен жогору..."

12-февралда "Коопсуз шаар" долбоору ишке кирди. Анын алкагында шаар ичине коюлган камералар 7 эреже бузууну каттап, анда айдоочу 1 миң сомдон 23 миң сомго чейин айыпка жыгылат. Эреже бузуунун тизмесинин арасында 6-пункт жол эрежелерине каршы пикирди жаратат.

Анда: "Белгиленген ылдамдыктан саатына 20 чакырымдан ашырып айдаган жеке жактарга 1000 сом, юридикалык жактарга 5 миң сом айып салынат. Ал эми ошол эле белгиленген ылдамдыктан саатына 40 чакырымдан ашырып айдаган жеке жактарга 7500 сом, юридикалык жактарга 23 миң сом айып салынат", - деп жазылган.

Башкача айтканда, белгиленген ылдамдыктан саатына 20 чакырымга жеткирбей айдаса айдоочу айыпка тартылбайт. Бул жерде адамдардын, алардын ичинде жаш балдардын өмүрүнө коркунуч келет деген маселе жаралат. Анткени ылдамдыгы саатына 40 чакырым деп белгилеген жерлерде (мындай чектөө көбүнчө мектеп, бала бакча жана башка социалдык объекттердин алдында коюлган) саатына 60 чакырымга чейин айдап, жазага тартылбастан жүрө берүүгө болот.

Ал эми Кыргыз Республикасынын өкмөтүнүн №421 токтому жол кыймылынын эрежелеринин 10.1 пунктунда төмөнкүлөр жазылган:

"Айдоочу транспорт каражатын белгиленген чектөөдөн ашпаган ылдамдыкта айдоого тийиш, мында кыймылдын ыкчамдыгын, транспорт каражаты менен жүктүн өзгөчөлүгүн жана абалын, жол жана метеорологиялык шарттарды, жүрүп бараткан багыттагы айлананын көрүнүшүн эске алуусу керек".

Муну менен жол кыймылынын эрежелеринин жана административдик эрежелер кодексинин ортосунда карама-каршылык орун алууда.

Бул боюнча SUPER.KG порталы Жол кыймылынын коопсуздугун камсыздоо башкы башкармалыгына байланышып маалымат катчы Нурбек Токтосуновдон төмөнкүдөй жооп алдык:

"Азыр 2019-жылдын 1-январында кабыл алынган кодексте ар бир эреже бузуунун белгиленген өлчөмдөгү айыптары бар.

Жол кыймылынын эрежелери менен административдик эрежелер кодексинин ортосунда карама-каршы келген жагдайлар жаралса, негизи административдик кодекс жол кыймылынын эрежелерине караганда жогору турат. Ошондуктан экөөнүн ортосунда кайчалыштык болсо административдик кодекстин негизинде чечим чыгат", - деди башкармалыктын адиси.

Автор: Нурсултан Нурболот уулу

08:55 14-02-2019

Жазылуу

Тектеш кабарлар:

4-марттан бери жол эрежесин бузуу боюнча 12 миң 734 токтом иштелип чыкты

"Чүй облусунда бир күндө миңге жакын жол эрежеси бузулат" дейт ички иштер министринин орун басары

Бишкекте эреже бузган айдоочуларга салынган айып пулдун жалпы көлөмү тактала элек

Бишкекте жол кесилиштерине орнотулган камералар 7 эреже бузууну каттап, айдоочуларга 6 күндөн кийин айып салып баштайт

Жол кыймылынын эрежелери менен кодекстин ортосундагы карама-каршылыктарды кайра иштеп чыгышты. Эми белгиленген ылдамдыктан ашырып айдоонун чакырымы азайтылды

Коопсуз шаар: Долбоорду ишке ашыруунун 2-фазасы 14 күн кечиктирилет

Бишкекте жол тыгындарды жөнгө салуу үчүн кошумча жол чырак жана белгилер орнотулат

"Коопсуз шаардын" алкагында Бишкекке орнотулган алгачкы камера тесттик режимде иштей баштады

Айдоочулар айып пулдун жогору болгонуна нааразы болуп, митингге чыкканы жатышат

"Коопсуз шаар" долбоорун ишке киргизүү боюнча даярдыктар текшерилди

РУБРИКАДАГЫ СОҢКУ КАБАРЛАР

15:33 2025-05-24 | Кылмыштар, кырсыктар

"Кой-кой дегенде койгон жакшы". Ошто жаратылышка бара жаткан окуучулар артка кайтарылды 234 0

14:46 2025-05-24 | Коом жана турмуш

Нарында кечээ кайталанган шамал үйлөрдүн чатырларын учурду 212 0

14:25 2025-05-24 | Кылмыштар, кырсыктар

Кара-Сууда күчтүү таасир этүүчү дарыларды сатып жүргөн 3 эркек, 2 аял кармалды (видео) 533 0

14:02 2025-05-24 | Түркүн дүйнө

Париж соту Ким Кардашьянды тоногон кылмыштуу топтун мүчөлөрүнө өкүм чыгарды 641 0

13:46 2025-05-24 | Түркүн дүйнө

Гамбургда аялдын бычак менен кол салуусунан улам 17 киши жарадар болду 409 0

13:11 2025-05-24 | Түркүн дүйнө

Белгилүү түрк актёру Халит Эргенч шарттуу түрдө 1 жыл 10 айга эркинен ажыратылды 1544 0

Архив

Комментарийлер (6)

tular

2019-02-13 19:53:43

Мына сага!!! Гранттын негизинде иштелип чыккан кодекстер. Дагы толгон токой каталар чыгат...

zahid

2019-02-13 20:33:38

Эн туура кыласынар

fanatkg

2019-02-14 00:05:28

Бизде административдик кодекс деген барбы? Менин билишиме караганда ал кодекс уже күчүн жоготкон болчу!?.

admin_superstan

2019-02-14 07:48:25

CEO1, порталдын ЖАЛПЫ ИШМЕРДҮҮЛҮГҮНӨ байланыштуу сын-пикирлер же сунуштар болсо portal@super.kg электрондук дарегине жазылып жөнөтүлүшү керек. Билдирүүлөр өчүрүлдү .

max-bek

2019-02-14 17:50:46

Ошондо 40 знактан 60 менен айдасан айыпка жыгылбайсынбы?ким тушунду туугандар жаза кеткилечи

take19

2019-02-14 19:59:17

40 деген жерден 60тан ашырбай айдаса анча чоң ылдамдык болбойт. Шаардын ичинен 80-100 менен айдаган айрым "крышасы" бар көпкөндөр адамдарды сүзүп кетип жатышпайбы.

Комментарий калтыруу үчүн өз ысымыңыз менен кириңиз же каттоодон өтүңүз.