Ош шаарынын Курманжан датка кичи шаарчасында жайгашкан май куюучу жайда жарылуу болду. Маалыматты Ош ОИИБинин басма сөз кызматы тастыктады.
Жарылуу бүгүн саат 20:10 чамасында болгон.
"Учурда Ош ШИИБинин жетекчилиги, ыкчам тергөө тобу, тиешелүү кызматтар окуя болгон жерде иш алып барышууда. Кошумча маалыматтар берилет", - деп айтылат маалыматта.
Белгилүү болгондой, жарылуу болгон жерге "Тез жардам" кызматы, 4 өрт өчүрүүчү унаа барды.
Өзгөчө кырдаалдар министрлиги берген маалымат боюнча Петров көчөсүнүн №47 үйүнүн жанында май куюучу станциядан (АЗС) өрт чыккандыгы тууралуу маалымат түшкөн.
Өрттүн кесепетинен 1960-жылы туулган Ш.М. аттуу эркек адам жабыркап, облустар аралык ооруканасынын күйүктөр бөлүмүнө жаткырылган.