Чүй облусуна караштуу Жайыл районунун Суусамыр айылында 3 жашар бала изделүүдө. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, 2-июнь күнү аталган министрликтин нөөмөт бөлүмүнө маалымат келип түшкөн. Анда Суусамыр айылында 3 жашар К.Т. аттуу бала жоголгону кабарланган. Учурда баланы издөө иштери жүрүп жатат. Баланын ата-энеси жана туугандары дрон менен издөөгө жардам сурашууда.