super.kg logo

Балыкчыдагы батут кырсыгы: Жандандыруу бөлүмүндө жаткан 3 жашар кыз Бишкектеги ооруканага которулду

 

Балыкчы шаарындагы батут кырсыгынан башынан жаракат алып, ичегисине доо кеткен 3 жаштагы кыз Бишкектеги ооруканага которулду. Бул тууралуу Балыкчы шаардык аймактык ооруканасынан Айгүл Кыштообаева SUPER.KG`ге билдирди.

"Батут кырсыгынан башынан жаракат алып, ичегилерине доо кеткен 3 жаштагы А.Б. Бишкектеги "Эне жана баланы коргоо" борборуна которулду. Кыз менчик "Тез жардам" унаасы менен дарыгердин коштоосунда жиберилди", - дейт ал.

Окуя 9-июнда Соң-Көл кичи районунда болгон. Анда катуу шамалдан батут оодарылып, ооруканага 7-8 бала кайрылган. Жабыркагандардын арасында бир тууган эже-сиңдилер болгон. 2012-жылы туулган А.Б. аттуу кыздын буту сынган. Ал эми анын 2016-жылы туулган А.Б. аттуу сиңдиси башынан катуу жаракат алган. 10-июнда 3 жаштагы кыздын ичегилерине доо кеткени аныкталып, ага операция жасалды.

Балыкчы шаардык мэриясы оодарылган батутту орноткон адамга аны алуу боюнча буга чейин эскертүү берилгенин маалымдаган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
128149;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: