Шанхай кызматташтык уюмунун саммитинде 22 документке кол коюлду

Бүгүн, 14-июнда Шанхай кызматташтык уюмунун саммитинде 22 документке кол коюлду. Саммитке Кыргыз мамлекетинин, Орусиянын, Казакстандын, Кытайдын, Өзбекстандын, Тажикстандын президенттери жана Пакистандын, Индиянын премьер-министрлери катышууда. ШКУга байкоочу болуп Ооганстан, Беларусь, Иран жана Монголиянын башчылары катышты.

Анда төмөнкү документтерге кол коюлду.

1. Шанхай кызматташтык уюмуна мүчө мамлекеттердин 2018-2023-жылдарга баңгизатка каршы стратегиясынын аткарылышы боюнча иш планын бекитүү жөнүндө чечим;
2. Шанхай кызматташтык уюмуна мүчө мамлекеттердин аймактарынын башчыларынын форумунун регламентин бекитүү жөнүндө чечим;
3. ШКУга мүчө мамлекеттердин санариптештирүү жана маалыматтык-коммуникациялык технологиялар чөйрөсүндөгү кызматташтык концепциясын бекитүү жөнүндө чечим;
4. ШКУга мүчө мамлекеттердин аймактар ортосундагы кызматташтыкты өнүктүрүү программасын бекитүү жөнүндө чечим;
5. ШКУнун өткөн жылдагы ишмердүүлүгү тууралуу уюмдун башкы катчысынын докладын бекитүү жөнүндө чечим;
6. ШКУнун аймактык терроризмге каршы түзүмүнүн кеңешинин 2018-жылдагы ишмердүүлүгү тууралуу баяндамасын бекитүү жөнүндө чечим;
7. ШКУга мүчө мамлекеттердин 2019-2021-жылдар мезгилинде айлана-чөйрөнү коргоо жаатында кызматташуу концепциясын ишке ашыруу боюнча иш-чаралардын планын бекитүү жөнүндө чечим;
8. ШКУнун катчылыгы менен Бириккен улуттар уюмунун гуманитардык маселелерди координациялоо боюнча башкармалыгынын ортосундагы өз ара түшүнүшүү жөнүндө меморандумга кол коюу тууралуу чечим;
9. ШКУнун катчылыгы менен дүйнөлүк туристтик уюмунун ортосундагы өз ара түшүнүшүү жөнүндөгү меморандумга кол коюу тууралуу чечим;
10. ШКУнун катчылыгы менен "Астана" эл ортосундагы каржы борборунун ортосундагы өз ара түшүнүшүү жөнүндө меморандумга кол коюу тууралуу чечим;
11. ШКУ менен Бириккен улуттар уюмунун тамак-аш жана айыл чарба бирикмесинин ортосундагы өз ара түшүнүшүү жөнүндө меморандумга кол коюу тууралуу чечим;
12. ШКУнун катчылыгы менен Бириккен улуттар уюмунун Европа экономикалык комиссиясынын ортосундагы өз ара түшүнүшүү жөнүндө меморандумга кол коюу тууралуу чечим;
13. "ШКУ-Ооганстан" байланыш тобунун мындан аркы иш-аракеттеринин жол картасына кол коюу жөнүндө чечим;
14. ШКУга мүчө мамлекеттердин башчыларынын кеңешинин жыйынынын жыйынтыктары боюнча маалымат билдирүү (кол коюусуз кабыл алынат);
15. Ошондой эле ШКУга мүчө мамлекеттердин башчыларынын кеңешинин жыйынынын алкагында ШКУга мүчө өлкөлөрдүн мамлекеттик органдары тарабынан кол коюлган документтер;
16. ШКУга мүчө мамлекеттердин өкмөттөрү ортосундагы жалпыга маалымдоо каражаттары чөйрөсүндөгү кызматташтык жөнүндө келишим;
17. ШКУга мүчө мамлекеттердин ыйгарым укуктуу органдары ортосундагы дене тарбия жана спорт жаатындагы кызматташтык жөнүндө келишим;
18. ШКУга мүчө мамлекеттердин 2019-2021-жылдарга саламаттык сактоо жаатындагы кызматташтыкты өнүктүрүү боюнча негизги чаралар планы;
19. ШКУнун катчылыгы жана дүйнөлүк туристтик уюм ортосундагы өз ара түшүнүшүү жөнүндө меморандум;
20. ШКУнун катчылыгы жана Бириккен улуттар уюму башкармалыгы ортосундагы гуманитардык маселелерди координациялоо боюнча өз ара түшүнүшүү жөнүндө меморандум;
21. ШКУнун катчылыгы жана эл аралык "Астана" финансылык борбору ортосундагы өз ара түшүнүшүү жөнүндө меморандум;
22. "ШКУ-Ооганстан" байланыш тобунун мындан аркы иш-аракеттеринин жол картасы.