Жактоочу: "Аида Салянованын ден соолугу эле эмес, өмүрү да коркунучта турат"

Бүгүн, 21-июнда Биринчи Май райондук сотунда кримтөбөл Азиз Батукаевдин бошотулушу боюнча экс-прокурор Аида Салянованын баш коргоо чарасы каралды. Ишти караган судья аны 26-августка чейин камакта калтырды.

Саат 15:00дө баштала турган соттук отурум 17:00гө жакын башталды. Ал эми кечки саат 21:00дө сот экс-прокурорду камакта калтыруу чечимин кабыл алды. Буга экс-прокурордун тарапташтары нааразычылыгын билдиришти.

Ал эми Аида Салянованын жактоочусу Рабига Сыдыкова ишти караган судья анын азыркы учурдагы ден соолугун эске албай чечим чыгарганына нааразы экенин жашырган жок.

"Дагы бир жолу биздин адилеттүүлүктүн жүзүн көрдүм. Аида Салянованы камакка алган күнү анын ооруп жатканын баары көрүшкөн. Ошондой эле катуу жөтөлүп, алы кетип, кыйналып жаткан болчу. Эгер ага өз убагында тиешелүү медициналык жардам көрсөтүлгөндө ден соолуугу мынчалык начарлабайт болчу. Учурда Аида Салянованын ден соолугу эле эмес, өмүрү да коркунучта.

Аны камакка алуунун зарылчылыгы жок болчу, азыр дагы жок. Ал СИЗОго отурганда ооруп калган жок, буга чейин эле ооруп жаткан. Бүгүнкү күндө ооруканада жатат, ден соолугуна байланыштуу сотко келе да алган жок. Эгер ал камалбаса мындай абалга жетпейт болчу. Аида Салянованын камакта отурушу аны коркутуу аракети, мындан башка буга түшүндүрмө жок", - деди Сыдыкова.

Жактоочу: "Аида Салянованын камалышы аны коркутуу аракети болууда"
РУБРИКАДАГЫ СОҢКУ КАБАРЛАР
Архив
Комментарийлер (5)
Tolkun555
2019-06-21 23:54:32
Кимден кандай буйрук алганын айтып бери керек
+8
aydinnur
2019-06-22 09:31:03
Жээнбековдун сотторунун жакшылык күтүп кереги жок..Өч алуу менен саткынчылык чегинен ашты го..
-3
Aidarov1988
2019-06-22 17:38:22
Булар оз убагында арам иштерди кылган жми жооп да бериш керек да
+2
Baimur
2019-06-22 20:47:20
Убагында озу ушуга окшогон иштерди кылганда эч ким оорубай эле аягына чейин ооруканага барбай эле жатты эле эми озуно келгенде дароо эле ооруп калат биздин атка минерлер, ошондо ойлонуп иш тутканда мындай иштер болмок эмес
+4
kayratbek81
2019-06-23 15:55:15
Жашоо бумеранг деп бекер айтылбайт.Бийлик колунда турганда бир аз ойлонуш керек,бул бийлик бугун менде эртен сенде ошол учун закон баардыгына биржей болуш керек.Эмне учун чиновниктер ооруп калышат бат эле? Карапайым эл кичине болбогон тоок урдагандар деле жазасвн алышып,олтурушат.Биздин ак уй кок уйдогулордун баардыгы оорукчанбы.Эртен Атамбаевти алып келсе карап тургула ал рак менен ооруп иш коргозот тооба!жон эле булар бизге шоу коргозуп жатышат
0
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА