Өзгөндө 22 жаштагы жаран жаңы төрөлгөн кызын 30 миң сомго сатууга аракет кылган

Өзгөндө жаңы төрөлгөн кызын атасы 30 миң сомго сатууга аракет кылган. Бул тууралуу маалыматты бүгүн, 19-июлда SUPER.KG порталына Ош облустук соттон тастыкташты.

Маалыматка ылайык, 15-июль күнү сатууга аракеттенген жарандын кызы 25-июнь күнү төрөлгөн.

Кылмышка шектелип кармалган А.А. аттуу жаран 1997-жылы туулган Өзгөн районунун тургуну, ал эми ымыркайдын энеси 1995-жылы туулган Баткендин тургуну экени аныкталган. Учурда ымыркай тиешелүү кызматтын кызматкерлери тарабынан алынып, реабилитациялык борбордо каралууда.

"Кылмыш Ош шаарынын аймагында болгондуктан 17-июль күнү шаардык соттун чечими менен кылмышка шектүү жарандар 2 айга үй камагына алынган", - деп билдиришти облустук соттон.

Автор: Мальвина Уметбекова