УКМК: "Стамбулдагы Кыргыз өлкөсүнүн мурдагы башкы консулу Эркин Сопоков кармалды"

Стамбулдагы Кыргыз өлкөсүнүн мурдагы башкы консулу Эркин Сопоков кармалды. Бул тууралуу УКМКнын басма сөз кызматынан билдирди.

Маалыматка ылайык, 28-ноябрда Эркин Сопоков УКМКга сурака чакырылган. Айэркен Саймаити өлтүрүлгөн жерден алыс эмес тараптан Сопоковдун дипломатиялык номердеги унаасы табылган.

"Сопоковду комплекстүү текшерүү иш аракеттеринин жыйынтыгында Башкы прокуратура тарабынан Кылмыштардын жана жоруктардын бирдиктүү реестрине катталып, сотко чейинки териштирүү иштери УКМКнын Тергөө башкармалыгына жиберилген.

Кылмыш-жаза кодексинин "кызмат абалынан кыянаттык менен пайдалануу" беренеси боюнча катталган. Сопоков тарабынан дипломатиялык номери менен "Лэнд Ровер – Рэндж Ровер" маркасындагы өздүк автоунаасын Саймаитиге жана башка тараптарга мыйзамсыз берген фактысы.

Кылмыш-жаза кодексинин "мыйзамсыз баюу" беренеси боюнча катталган. Сопоковдун 200 000 АКШ доллары өлчөмүндө акча каражатына ээ болуп, 47,6 миллион сомго турак жай сатып алып, мыйзамсыз байыган фактысы.

Кылмыш-жаза кодексинин "кызмат абалынан кыянаттык менен пайдалануу" беренеси боюнча катталган. Сопоковдун жубайынын Стамбул шаарындагы чет өлкөлүк командировкасы үчүн төлөнгөн 30 пайыз акча каражаттарын мыйзамсыз алуу фактысы. Анткени жубайы бул учурда Стамбул шаарында жашаган эмес. Ошондой эле жалпы суммасы 31 040 АКШ доллары өлчөмүндө зыян келтирген мыйзамсыз түрдө медициналык жана өкүлчүлүк чыгымдарды алуу фактысы.

Сопоковдун катышуусунда тиешелүү тергөө иш-чараларынын жыйынтыгында ал Кылмыш-жаза кодексинин 98-беренесинин негизинде УКМКнын тергөө камак жайынын убактылуу кармоо жайына киргизилди", - деп жазылат маалыматта.

Учурда аталган сотко чейинки териштирүүнүн алкагында Айэркен Саймаитиге карата болгон коркутуулар боюнча маалыматтарды толук кандуу жана объективдүү жүргүзүү максатында бардык жагдайларды аныктоого багытталган тиешелүү тергөө иш-чаралары жүрүп жатат.

Автор: Жылдыз Джускембаева

21:03 28-11-2019

Жазылуу

Тектеш кабарлар:

Түркиядагы адам өлтүрүү. Кылычбек Султан элчи кезинде айткан маселе дагы деле актуалдуубу?

Депутат Касымалиева Саймаитинин өлүмү боюнча Түркиянын полициясы менен кызматташуу кандай абалда болуп жатканын сурады

"24.kg" артка чегинди. Редакциянын өкүлү сотто Матраимовду коррупцияга күнөөлөп жарыялаган материалы боюнча далили жок экенин айтты

Айэркен Саймаити боюнча түзүлгөн депутаттык комиссиянын курамынан чыккан 2 депутаттын ордуна башка кесиптештери кирди

Ирина Карамушкина "президентке импичмент жарыялоо маалы келди" деп айтып, депутаттардын жемесине калды

Журналисттер жооп ала албай калышты. Райымбек Матраимов УКМКда алты саат сурак берип чыкты

УКМК "Азаттык үналгысынын" президентине расмий кат жөнөттү. Анда журналисттердин суракка келүүсүнө көмөктөшүү өтүнүчү айтылган

Депутат Алтынбек Сулайманов Саймаити боюнча депутаттык комиссия түзүүнү сунуштады

"Азаттык" чуулгандуу иликтөөсүнүн уландысын жарыялады

Саймаити боюнча депутаттык комиссиянын жыйынында өлкөдөн чыгып кеткен каражаттын бюджетке тиешеси жоктугу айтылды

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 31 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 196 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3316 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 407 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1518 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 312 0

Архив

Комментарийлер (15)

omurbek1990

2019-11-28 21:25:03

Б..аааа

ilgiz-kg01

2019-11-28 21:44:43

Дагы эмне деген былыктар чыгат экен

Absamat-90

2019-11-29 09:08:21

ilgiz-kg01,Сопоков сайрай турган болсо, айрымдардын абийири айрандай төгүлөт го.

Belek1710

2019-11-28 21:55:39

Коррупция дагы деле кучундо экен да, карапайым элге эле кыйын болду!

PROS

2019-11-28 22:21:39

Кызык... АКШ, Германия, Япония Кытай мамлекетинин элчилери да рендж роверде жүрүшөбү??? Же биздин каргыш тийгирлер элеби???

talas0707

2019-11-28 22:39:51

PROS, эшикте кун суук да, джипта журбосо грипп болуп калышы мумкун чондор.

Saiit

2019-11-28 23:31:47

Бардык консулдарды текшеруу керек бардыгында бир былыктары бар ириндер!! Эл душмандары булар,Элдин акчасын урдап жеп жатат буларга Жаназа окугангада болбойт!Урулар урулар пешенесине очпойтурган кылып ууру деп жазып койуу керек кийин неберелерида намыс кылатурган кылып!!! Арам менен балдарынарды бакпагыла!!!

Kairat1996

2019-11-29 00:54:46

Эми күнөөнүн баарын күнөөсү жок адамга илип туруп, Раимди актап коюшат. Сооронбайдын хитрый планы бар экен.

Bars88

2019-11-29 07:49:43

Kairat1996,Куноосу жок кишин сопоков болсо олдуго.Биротоло периште болчу деп койбопсун ошо сопоковуну

tynar92kg

2019-11-29 09:06:45

АШАнын айдоочусунан , салык кызматында орун басар кызматтарда иштеп бат эле консул болуп кеткени кызык экен.

Jaznura

2019-11-29 09:11:33

Эркин Сопоков окуяны Али же башка адамга караганда жакшыраак билет. Аны кимдер өлтүрүп кеткен адамдар тууралуу аларды ким жалдаганы тууралуу жакшы эле билет.

titanik32

2019-11-29 11:25:27

Ар бир кармалган чиновник ушунча миллиондогон доллар акчаларды уурдап жеп жатса,дагы Кыргызстаныбыз түтүп жаткан экен да.Эми дагы кармалбаган белгисиз уурдап жеп тоноп жаткан канчалаган чиновниктер бар.

Bishkek312.

2019-11-29 12:40:41

Азыр бийликте олтургандар каалашынча ичип жеп тайраңдап эле жүрүшөт себеби алар жогору жак менен бир алардын камчысын чапкандар, бир күнү аларга жакпаган сөз сүйлөп же иш кылып алат болду иши бүттү баягы жеген ичкендерин чукуп казып жатып калышат.

Baktyluu_bolgum_kelet

2019-11-29 17:22:01

Тооба кылдыым ушулар давлэна кылып олтурмой болду.

didu

2019-11-29 18:16:46

биздин чондор камалгандан кийин ооруп калышат, орутпай жакшы баккыла

Комментарий калтыруу үчүн өз ысымыңыз менен кириңиз же каттоодон өтүңүз.