Мурдагы президент Алмазбек Атамбаев Биринчи Май райондук сотуна алып келинди. Соттук отурум Азиз Батукаевдин абактан мыйзамсыз бошотулушу боюнча болот.
Биринчи Май райондук сотунун маалымат кызматы Атамбаевдин алып келингенин тастыктап, соттук отурум болуп жатканын билдирди.
Буга чейин Алмазбек Атамбаев 15-ноябрдагы соттук отурумга катышуудан баш тарткан.
Алмазбек Атамбаев 8-августта Кой-Таштагы үйүнөн кармалып, УКМКнын убактылуу кармоочу жайына киргизилген. Андан кийин ага коррупция, массалык баш аламандыкты уюштуруу, барымтага алуу, адам өлтүрүү жана башка оор кылмыштарга айыпталып жаткан. Анын бөгөт коюу чарасы 9-августта каралып, 26-августка чейин камакка алуу чечими чыккан. Андан кийин бул мөөнөт 26-октябрга чейин узартылган болчу.
25-октябрда Алмазбек Атамбаевди камакта кармоо мөөнөтү 2 айга узартылган.