"Кумтөр" кенинде экскаватор айдоочусу менен кошо көлгө түшүп кетти. Бул тууралуу ӨКМнын басма сөз кызматынан билдиришти.
Маалыматка ылайык, окуя кечээ, 15-февралда болгон.
"Учурда издөө иштери улантылып, суучулдар тартылууда", - деди ӨКМдан.
Кошумча маалымат берилет.
Буга чейин "Кумтөр" кениндеги Лысый жээк өрөөнүндө үйүлгөн жараксыз катмар кескин түрдө жылып, анын кесепетинен эки кызматкердин дайынсыз болуп жаткан. 10-январда 2 жумушчунун издөө иштери токтотулгандыгын Өзгөчө кырдаалдар министрлигинин маалымат кызматынан билдиришкен.
Ага ылайык, көчкү жүргөндөн кийин дайынсыз болуп жаткан эки адамды издөө иштери алардын жакындарынын жана компаниянын 2 тараптуу макулдашуусунун негизинде токтотулган.