"Бет капка ушунча кезек күтүү болот деп ким ойлоптур?". Бишкектеги абал

Капсалаңга салган коронавирус дүйнөнү дүрбөткөнүн токтото элек. Кытайдан чыккан вирус азыркы тапта дүйнөнүн 160ка чукул мамлекетин өз кучагына алды. Эсепке кирген мамлекеттердин арасында Кыргыз өлкөсү дагы бар. Аты жаман вирустун өлкөдө катталганы анык болгондон кийин шаардагы дарыканаларга каттап, андан бет кап, антисептикалык каражаттарды жана вируска каршы дары-дармектерди алгандардын саны көбөйдү. Буга байланыштуу жарандар арасында дарыканаларда коргонуучу каражаттар жетиштүү элеби деген суроо жаралды. Министрлик медициналык бет каптар жана антисептикалык каражаттар жетиштүү деген маалымат бергенине карабастан, Бишкек шаарындагы дарыканалардын көпчүлүгүндө бүгүн керектүү медициналык каражаттар жок болуп жатат.

Биз дарыканаларга барганыбызда, анда керектүү каражатын алууга келип, кезек күтүп турган жарандардын көп болуп жатканына күбө болдук. Дарыкана кызматкерлеринин айтымында, бет кап сураган жарандардын саны көп болгондуктан, алар "бет кап жок" деген табличкалардын илип коюшкан.

Кечээ, 19-мартта Өкмөт үйүндө саламаттыкты сактоо министри Космосбек Чолпонбаев маалымат жыйын берген. Анда ал медициналык кызматкерлер тарабынан коронавирус жуктургандар менен байланышта болгон бардык жарандарды аныктоо боюнча иштер жүрүп жатканын жана мындан ары жарандарга бет кап 3 даанадан паспорт менен гана бериле турганын билдирген.

Биз бул айтылган пикир кээ бир дарыканаларда аткарылып жаткан болсо, кээ биринде аткарылбай жатканына күбө болдук. Атүгүл кээ бир жарандар бул айтылган пикирге нааразы. Камерага сүйлөп бергиси келбеген жаран ага 3 даана эмес, андан көп даанадагы бет кап керек экенин жана ага 3 даанадан ашык бет кап берилбей жатканын айтып, нааразы.

Ал эми Гүлзат Өзүбекова аттуу жаран дарыканаларда бет кап жок экенин олуттуу маселе катары көрбөйт. Анткени ал эки күн мурун дарыканаларды түрө кыдырып, бет кап тапкан эмес. Мындан улам ал үйдөн эле бет кап тигүүнү чечкен.

"Эки күн мурун дарыканаларды кыдырып, бет кап таппай убара болдум. Бир дарыканада бар экен, ал дагы 30 сом экен. Мындан улам мен өзүмө, балдарыма жана туугандарыма өзүм эле үйдөн бет кап тигүүнү туура көрдүм", - дейт ал.

Бул боюнча кечээ, 19-марттагы Жогорку Кеңештин жыйынында премьер-министр Мухаммедкалый Абылгазиев өлкө аймагында бет каптын жетишпей жатканы чындык экенин дагы билдирип өткөн.

Кененирээк видеорепортаждан көрүңүз.

Бишкекте бет кап алууга шашылган узун кезек орун алды

Автор: Гүлшат Ысамамат кызы
Фото: Гүлшат Ысамамат кызы

10:32 20-03-2020

Жазылуу

Тектеш кабарлар:

Өзбекстанда коронавирус жуктургандардын саны 2 миң 314кө жетти

Комендант Бишкекте карантин бүткөндөн кийин кайсы иштин түрлөрүнө биринчилерден болуп уруксат берилерин айтты

Бишкек боюнча 106 мобилдик топ талап кылынат. Учурда 36 мобилдик топ эле иштеп жатат

АКШ вакцинаны иштеп чыгууда Орусиянын жардамынан баш тартты

"Терминал" тасмасы эсиңиздеби? Коронавирустан улам мекенине кайта албай калган ганалык футболчу аэропортто 72 күн жашаган

Талас облусунда улгайган адамдарга антисептикалык каражаттар таратылууда

Москвада 10 миң кыргыз жумушсуз калды деген маалымат тараткан "Миграцияны өнүктүрүү" коомунун ишмердүүлүгү текшерилүүдө

Штаб: "Эгерде медицина кызматкери коронавирустан каза болсо, анын үй-бүлөсүнө 1 миллион сом берилет"

"Дыйкандардан 1 сотых жерди дагы туура пайдаланууну суранам" дейт айыл чарба министри

Көбөйүп жатат. Баткен облусунда бүгүн коронавирус аныкталгандардын рекорддук көрсөткүчү катталды. Кайсы райондордон аныкталды? (тизме)

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (3)

Nukeww

2020-03-20 10:36:02

Паспортсуз да бербей жатабы?

maks94.kb

2020-03-20 10:56:24

Элдер паника кылбай. Бир кун албай койсо эле оздору кайра катып койгон маскасын сатыка чыгараттар

Saidochka

2020-03-20 13:55:53

Жаман чоң проблемага айлантпай үйдөн тигип алып, жууп, дезинфекциялап колдонсо болот го.мамлекет камсыз кылышы керек деп эле отура бербестен, баарыбыз өзүбүз үчүн өзүбүз да аракет кылсак жеңе биз туугандар!!!

Комментарий калтыруу үчүн өз ысымыңыз менен кириңиз же каттоодон өтүңүз.