Орусиялык дарыгер Елена Малышева коронавирусту "кереметтин керемети" деп атады (видео)

Орусиянын белгилүү дарыгери жана теле алып баруучусу Елена Малышева социалдык тармактагы жеке баракчасында колдонуучулар менен түз эфирде маек куруп жатып, коронавирусту керемет деп атаган. Анын бул билдирүүсү коомчулукта туура эмес пикирлерди пайда кылып, анын бул айтканын көпчүлүк түшүнбөй калышкан.

Малышева эмне үчүн вирусту керемет атаганын жергиликтүү басылмаларга берген маегинде түшүндүрүп берди.

Айтымында, коронавирустун кереметтиги ал балдардын эмес, жашы жетип калган жарандардын өмүрүн алгандыгында.

"Мен бул вирусту керемет деп айтам жана анын керемет экенине ишенем! Коронавирус чыныгы керемет, себеби андан балдар өлбөйт, ооруп калышпайт жана 20 жашка чейинкилер жандандыруу бөлүмүндө калышпайт. Анын кереметтиги вирус менен 70, 80, 90 жаштагы жарандар жабыркап, ооруганында", - деп билдирген Малышева.

"Коронавирус тууралуу статистика бар. Ал Кытай, Италия жана Америкада эпидемия күчөгөн мезгилде топтолуп, аныкталган статистика. Андагы маалыматка ылайык, Кытайда коронавирустан 10 жашка чейинки балдар көз жумган эмес. Ал эми Америкада 20 жашка чейинкилер бейтапканалардын жандандыруу бөлүмдөрүнө оор абалда түшкөн эмес.

Ооба, жаштарга дагы кээ бир учурда вирус жугуп калып жатат. Бирок алар вирустун оор түрү менен жабыркабай эле айыгып жатышат. Бул жакшы көрүнүш жана бул чоң бакыт. Ошондуктан коронавирусту мен абсолюттуу түрдө керемет деп атайм", - деп кошумчалаган ал.

Дарыгердин билдиришине ылайык, коронавирус көбүнчө өнөкөт оорулары бар адамдарга жабышат.

"Башка вирустардын бардыгы биринчи кезекте балдардын жана кош бойлуу аялдардын өмүрүн алганга аракет кылат. Коронавирустун дагы бир керемети – кош бойлуу аялдарга жана балдарга кол салбайт. Италиялыктар өлгөндөрдүн орточо жашы 79 жашты түзүп жатканын айтып жатышат.

Албетте, бул башкалар ооруп же өлбөйт дегенди билдирбейт. Бирок бул оору карыларга жана катуу өнөкөт оорулары бар адамдарга өзгөчө коркунучтуу экендигин айгинелейт. Бул олуттуу өнөкөт ооруларга семирүү, кант диабети, жүрөк жана өпкө оорулары жана гипертония кирет", - деп билдирген Малышева.

Елена Малышева коронавирусту "кереметтин керемети" деп атады

Автор: Гүлшат Ысамамат кызы

23:39 18-04-2020

Жазылуу

Тектеш кабарлар:

Москвада коронавирусту дарылоо үчүн жаңы оорукана курулат

25-август: Сутка ичинде 229 адамдан коронавирус аныкталса, 4 адам каза болду (статистика)

Өзбекстанда 25 миңден ашуун бейтап COVID-19дан сакайганы айтылды

Өткөн суткада 74 адамдан коронавирус аныкталса, 97 бейтап илдеттен сакайды

Адистер өлкөдө коронавирус инфекциясына кабылгандардын көбөйүшүнө эмне себеп экенин айтты

Бүгүнкүгө карата 448 бейтап коронавирустан айыкты

Коронавируска байланыштуу Шри-Ланкада 3000ге чукул соттолуучу абактан бошотулду

ИВЛ жана кычкылтек концентратору деген эмне?

Ош облусунда коронавирусту жаңы жуктуруп алгандардын көбү сырттан келгендер экендиги айтылды

АКШда алгачкы жолу үйдө жашаган иттен коронавирус аныкталды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 111 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 556 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 689 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 288 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 417 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 700 0

Архив

Комментарийлер (7)

rola

2020-04-19 00:06:24

Керемет болбой калсын.Кош бойлуу аялдардан дагы вирус аныкталып жатпайбы?Канчалаган адамдардын омурун алды.

aiza1994

2020-04-19 00:46:20

Бул айнып калган го, бул вирустан кутула албай атсак. Эмнеси керемет дуйно жузу кризиске учурап атса

natasha00

2020-04-19 01:50:25

Бул катын 70.80.90го чыкбай бекен, Тооба деп суйлобойбу? Менин оюмча каарылар олуп тазаланат экен деген мааниде керемет деген окшойт,алжыган тантык. Каарылыка эмне жетсин? 70.80.90жаштагы чалкемпирлер деле жашагысы келет омурлору узун болсун оорубасын.Ошол жашка жеткирсин.Орустардын ушул сапаты такыр жакпайт каарыса эле жаман коруп калышат.Эртен озундун да башына келет.Ушул катын такыр жакпай калды!

+13

Omar.

2020-04-19 02:32:58

Не кыласыңар эми тынч болсунда, бул дагы бир сөөгүндө тили жок немекен да

Zhoro

2020-04-19 07:59:24

Жаш балдар куноосуз болушат

ady-88

2020-04-19 08:36:48

Орус оюндагысын былжырап койо беретда

basyz-kaman

2020-04-19 14:03:03

Бул жердеги комментарийлерди жашы 70 жогоркулар жазып жатышат окшойт))

Комментарий калтыруу үчүн өз ысымыңыз менен кириңиз же каттоодон өтүңүз.