Бишкекте базарларга барып, коомдук транспортто жүрүп коронавирус илдетин жуктуруп алгандардын саны жогорулоодо

Акыркы учурда Бишкек шаарынын тургундарынын арасында коронавирус илдетин жуктуруп алгандардын саны жогорулап жаткандыгы байкалууда. Бул тууралуу республикалык штабдан маалымдашты.

Эпидемиологдор күн сайын инфекциянын булагын аныктоо көйгөйүнө дуушар болуп жатканы штабдын жыйынында айтылды.

"Ооруну жуктуруп алуу булагы аныкталбаган жактардын көпчүлүгү өзүнүн ооруп калгандыгын базарларга баруусу жана коомдук транспортто жүрүүсү менен байланыштырууда. Коомдук транспортту 60-70 пайыздан ашык толтурбоо жана анда милдеттүү түрдө бет кап кийүү талабын мониторингдөө боюнча ишти күчөтүү зарыл. Анткени коомдук транспортто социалдык обочолонууну сактоо кыйынчылыкка турат", - деди президенттин аппарат жетекчисинин биринчи, республикалык ыкчам штабдын жетекчисинин орун басары Алмаз Кененбаев.

Ошондой эле ал мындай шартта оору жуктуруп алгандарды эртелеп аныктоо жана ооруп калган адам менен тыгыз байланышта болгон жактарды өз учурунда изоляциялоого өзгөчө басым жасоо зарыл экендигин белгиледи.

"Ири соода базарларынын кире беришинде базар кызматкерлеринин дене табын текшерүү үчүн стационардык тепловизорлорду орнотуу зарыл. Дене табы жогору экендиги аныкталган кызматкерлер ишке коё берилбеши керек. Ден соолугу кооптонууну жараткан пенсия курагындагы адамдар коомдук жайларга баруудан кармануулары сунушталат. Өлкөнүн ар бир жараны тийиштүү санитардык талаптарды аткаруусу абзел. Жалпыбыздын коронавирус илдетине каршы күч-аракетибиз координацияланып, ырааттуу болушу абзел. Биздин негизги милдетибиз COVID-19 пандемиясы шартында мекендештерибиздин коопсуздугун камсыздоо болуп саналат", - деп жыйынтыктады Алмаз Кененбаев.

Республикалык ыкчам штабдын жыйынында өлкө боюнча 118 колл-борборунун маалыматтык-агартуу ишин жана мобилдик бригадалардын ишин күчтөндүрүү зарылдыгы белгиленди.

Автор: Бактыгүл Момбекова

11:02 14-06-2020

Жазылуу

Тектеш кабарлар:

Коронавирус илдетинен жана пневмониядан 4 адам каза болду

Кыргыз өлкөсүнө 58 мамлекеттен 8 миӊ жаран келе албай жатканы айтылды

6-июнга карата өлкөдө 337 адамдан коронавирус аныкталды (соңку статистика)

Коронавирус жуктурган дагы 12 медицина кызматкери катталды

"Коронавирустун жаңы түрү катталгандыгына байланыштуу чектөө чаралары катуу күчөтүлдү" дейт Кореяда эмгектенип жаткан мекендешибиз

Жалал-Абад облусунда 92 миң 329 адамга ар кандай жардамдар берилген

Өкмөт өлүкканада иштеген медкызматкерлерге дагы кошумча каражат төлөө маселесин карады

Кытайда карантинге алынган жарандарды кармаган мейманкана урап, 2 адам каза болду

Казакстанда коронавирус жуктургандардын эң төмөнкү көрсөткүчү катталды

Саламаттыкты сактоо министринин орун басары азыркы учурда коронавирус туу чокусуна жеткенин айтты

РУБРИКАДАГЫ СОҢКУ КАБАРЛАР

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 80 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 105 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 255 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 502 0

20:42 2025-04-30 | Коом жана турмуш

Өлкөдө окуучулар 11 күнгө канукулга чыгат 439 0

20:01 2025-04-30 | Кылмыштар, кырсыктар

Таласта токтоп турган унааны айдай качкан киши кармалды 581 0

Архив

Комментарийлер (6)

Batma.Sh

2020-06-14 11:14:21

Обсервацияга жатпай койгондордун,көңүлүнө карап коё бергендин,кесепети.

Kylychisa

2020-06-14 11:36:50

Билинбей арабызда жургону канча дагы

O.dembele

2020-06-14 11:52:57

Машрутта да тыгылып журушотко.

Gsuita

2020-06-14 12:04:20

Обсервацияда 14 күн кармайбыз десе ишенипмин. 3 күндөн кийин эле үйлөрүнө алып келип таштап жатышат.

Makain

2020-06-14 13:17:24

Коомдук транспорту токтотпойбу кобойуп жатат деп отура бербестен.

vikidiki

2020-06-14 16:33:38

3кун жаткырып чет жерден келгендерди анан коё берип жатышат. Бир таанышымдын тууганы ошентип 3 күндөн кийин үйүнө келиптир. Бир жумадан кийин силерде Covid-19 бар деп алып кетишиптир. Эми эмне дейбиз? Кимге ишенебиз?

Комментарий калтыруу үчүн өз ысымыңыз менен кириңиз же каттоодон өтүңүз.