Чиновниктер үчүн каттамдар уюштурулганбы? Бул тууралуу "Манас" эл аралык аэропорту билдирүү таратты

Социалдык тармактарда тарап жаткан кээ бир чиновниктер үчүн уюштурулган чартердик каттамдар тууралуу "Манас" эл аралык аэропорту билдирүү таратты.

Анда Кыргыз өлкөсүнүн жарандары үчүн өлкөдөн чет мамлекетке чыгуу үчүн каттамдар уюштурулбаганы айтылат.

"Дүйнө жүзүндө эпидемиологиялык кырдаалдын начарлашынан улам жана башка өлкөлөр менен аба байланышына тийиштүү чектөөлөрдү киргизүү мөөнөтүндө "Манас" эл аралык аэропортторуна мезгил-мезгили менен буйрутмалык чартердик санитардык каттамдар аткарылууда. Бул каттамдар жүргүнчүлөрдүн билдирмеси менен медициналык эвакуациялоо максатында, ошондой эле камсыздандыруу учурларында аткарылат.

Маалымат иретинде билдиребиз, аталган каттамдар менен чет элдик дипломатиялык кызматтардын өкүлдөрү жана алардын үй-бүлө мүчөлөрү, эл аралык уюмдардын кызматкерлери, чет элдик жарандар пайдаланат. Кыргыз өлкөсүнүн жарандары мындай каттамдар менен учкан эмес.

Ошондой эле "МЭА" ААК аэропорттору аркылуу дүйнөдө учуулардын чектелишинен улам өздөрүнүн өлкөлөрүнө учуп кете албай жаткан чет элдик жарандарды эвакуациялоо үчүн чартердик каттамдар аткарылып жатат.

"МЭА" ААК жалган маалымат таратпоону суранат. Учурда орун алган эпидемиологиялык абалда "МЭА" ААК кызматкерлердин жана жүргүнчүлөрдүн бардык коопсуздук чараларын так камсыздоо менен күнү-түнү иштеп жатат", - деп жазылат билдирүүдө.

Кечээ, 12-июлда социалдык тармакта саламаттыкты сактоо министри Сабиржан Абдикаримов менен анын орун басары атайын уюштурулган каттам менен дарылануу үчүн өлкөдөн чыгып кетти деген маалымат тараган. Буга карата түрдүү пикир жазылып, арасында аларды сындагандар көп болду. Бүгүн, 13-июлда коомдук саламаттыкты сактоо башкармалыгынын башчысы Айнура Акматова брифинг маалында саламаттыкты сактоо министри Сабиржан Абдикаримовдун жана анын орун басары Нурболот Үсөнбаевдин абалы туруктуу экенин жана алар Республикалык жугуштуу оорулар ооруканасында дарыланып жатышканын кабарлаган.

Автор: Бактыгүл Султаналиева

12:45 13-07-2020

Жазылуу

Тектеш кабарлар:

ЭЛДИК КАБАР: "Көп түкүрсө көл болот. Кызым 3 күн иштеп тапкан акчасын муктаж адамдарга берүүнү каалайт" дейт эне

Коронавирустун душманы ысырыкпы? Дарыгер Борбор Азия өлкөлөрүндө инфекциянын эмне үчүн катталбаганы тууралуу пикирин айтты

Өлкөдө коронавирус менен ооругандар катталган жок. 96 адам стационардык кароодон өтүп жатышат

Ковид-19: Бүгүнкүгө карата 1 213 адам сакайды

COVID-19дун жаңы штаммы тынчсызданууну жаратууда. Министрлер кабинети чукул кеңешме өткөрдү

Алматыда 25-майдан тартып соода борборлору, коомдук тамактануучу жайлар, мейманканалар иштеп баштайт

Өнөкөт оорулары болгон. Казакстанда коронавирустан 8-бейтап каза болду

Жалпы 729. Сутка ичинде 21 жарандан коронавирус аныкталды. Анын көбү Бишкектен чыкты

Өлкөдө бир суткада 37 адамдан коронавирус аныкталды. Анын көбү Бишкектен. Жалпы сан 1936га жетти

Коронавируска байланыштуу ажы башчыларын каттоо белгисиз мөөнөткө жылды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 111 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 556 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 689 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 288 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 417 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 700 0

Архив

Комментарийлер (4)

Krai

2020-07-13 13:30:55

Биздикилер эч нерсе укпасын да көрбөсө деле көргөндөй үшүк чыгара беребиз го

Timurlan2017

2020-07-13 14:28:37

Ээ ушул ушак чыгарып аны таркаткан адамдар булар эл душманы, начар адамдар

aslonur

2020-07-13 16:25:11

Timurlan2017, ушакты айткан эмес уккан ушакчы деген сөз бар, ар ким ар нерсе дей берсе ишене беребиз, негизи эле ооруган адам артынан ар нерсени айта берген жаман

Asyl.jazi

2020-07-13 18:29:59

Дипломатиялык кызматтын окулдорунун уй-було мучолору дагы колдонсо болот дейби? Аларга эмне бар?

Комментарий калтыруу үчүн өз ысымыңыз менен кириңиз же каттоодон өтүңүз.