Коронавирустун жеңил белгилери менен ооруган бейтаптардын мээсине олуттуу зыян келиши мүмкүн экени айтылды

Акыркы убакта коронавирус инфекциясы бир гана өпкөгө жана дем алуучу органдарга гана эмес, адамдын башка органдарына дагы залалын тийгизип жаткандыгы жөнүндө көптөгөн далилдер айтылууда. Ошондой эле жүрөккө, кан тамырларга, нерв системаларына жана териге дагы катуу таасир тийгизиши мүмкүн.

Британиялык невролог COVID-19 инфекциясы - илдеттин жеңил белгилери менен ооруган жана айыккан бейтаптардын дагы мээсине олуттуу зыян келтириши мүмкүн деген. Мындай изилдөөнүн автору Лондон университетиндеги колледждин изилдөөчүсү Майкл Занди. Ал жогорудагы пикирин "Brain" басылмасына билдирген.

Неврологдун айтымына караганда, коронавирус мээге жана борбордук нерв системине олуттуу зыян келтирип, психоз, шал жана инсульт ооруларына алып келиши ыктымал.

Лондон университетинин колледжинин неврологдору 40тан ашуун коронавирус менен ооруган бейтаптарга курч жайылган энцефаломиелит (мээнин сезгениши) деген диагноз коюшкан. Бул сезгенүү оорусу борбордук нерв системин дегенеративдүү (организмдин биологиялык жана психологиялык белгилеринин начарданышы) кыйроого алып келет. Мээ жана жүлүн клеткаларынын миелин (нерв кабыктарынын жумшак бөлүгүн түзүүчү май сымал нерсе) кабыгына таасир этет.

COVID-19 илдетинин ар түрдүү таасирлери

Изилдөө жүргүзүлгөн 40 бейтаптын 12си борбордук нерв системинин сезгенишинен жабыркаган. 10у энцефалопатия (мээнин фукциясынын бузулушу) жөлүү же психоз, 8и инсульт болсо, дагы 8инде нерв жабыркаган. Бул нерв клеткаларына залал келтирип, шал оорусуна жана 5 пайызын өлүмгө алып келиши мүмкүн болгон аутоиммундук реакция. Мындай татаалдыктардан улам бейтаптардын арасынан 59 жаштагы адам каза болгон.

"Коронавирус мээге чабуул жасайт. Биз буга чейин мындайды башка вирустар менен күрөшүүдө көргөн эмеспиз", - дейт Лондон университетинин колледжинин изилдөөчүсү Майкл Занди.

Анын айтымында, бейтаптар эс-тутум көйгөйлөрү, чарчоо, кулагы жакшы укпаган жана алсыздыгы бар бейтаптар невропотологго кайрылып, кеңеш алып турушу зарыл.

Өпкөсү жабыркаган бейтаптардын мээси олуттуу жабыркашы адаттан тыш көрүнүш.

Коронавирус илдети кээ бир бейтаптарда узак мөнөттүү ден соолугунда көйгөйлөрдү жаратышы мүмкүн. Анда көпчүлүк бейтаптар айыккан соң чарчоо, эс-тутум көйгөйлөрү менен жабыркашы ыктымал.

Изилдөөдөгү мисал

Мурун психикалык оору менен оорубаган 55 жаштагы бейтап ооруканадан чыккан соң өзүн кызыктай алып жүрө баштаган. Ал пальтосун кийип, чечип, кайталай берген. Андан кийин ал үйүндө арстан жана маймылдарды көргөндүгүн айта баштаган. Мындан улам ага оруканадан атайын дарылар дайындалган.

"Испанка" тумоосунда миңдеген адамдардын мээси жабыркаган

Британиялык неврологдор бир канча бейтаптар коронавирустан мээси жабыркап, бирок ал кийинки жылдары байкалышы мүмкүн деп кооптонушат. Изилдөөгө ылайык, 1918-1920-жылдардагы "испанка" тумоосунан кийин ушундай эле кыйынчылыктарды баштан өткөрүшкөн. Болжол менен бир миллионго жакын адамдын мээсине зыян келген.

"Албетте, мындай болбойт деп ишенели. Бирок калктын көпчүлүк бөлүгүнө таасир эткен пандемияга туш болгондуктан, биз даяр болушубуз керек", - деп кошумчалаган Майкл Занди.

Автор: Айжанар Рыспек кызы

19:06 13-07-2020

Жазылуу

Тектеш кабарлар:

Депутат керексиз сатып алууларды токтотуу боюнча кризиске каршы программасында камтылышы керектигин айтты

Жо Байден Дүйнөлүк саламаттыкты сактоо уюмун АКШга кайтаруу боюнча буйрукка кол койду

Билл Гейтс "нормалдуу жашоого" кайтуунун бир гана жолу бар экенин айтты

Акыркы суткада COVID-19 илдетин 477 адам жуктуруп алса, 270 бейтап сакайды

Сутка ичинде коронавирустан дагы 7 адам каза болду

"Дене табым көтөрүлүп, жөтөлүм токтобой жатат". Орусиялык ырчы Наталья Ветлицкая коронавируска шектелип жатат

Дагы 15 медицина кызматкеринен коронавирус аныкталды

Бир суткада 78 адамдан коронавирус аныкталса, 72 бейтап илдеттен айыкты

Кытай өкмөтүнөн өлкөгө коронавирус менен күрөшүү үчүн 7 миллион 690 миң сомдук гуманитардык жардам келди

Сооронбай Жээнбеков бүгүн Таласка барат

РУБРИКАДАГЫ СОҢКУ КАБАРЛАР

08:49 2025-05-01 | Супер-Инфо

Агата Муцениеце: «Жумуш жок, бомж болуп каламбы деп корком» 101 0

08:23 2025-05-01 | Коом жана турмуш

Министрлик "Диамеддин" үч гемодиализ борборунун лицензиясын токтотту 570 0

08:09 2025-05-01 | Супер-Инфо

Өмүрзак Кайыпов, Кыргыз Республикасынын Эмгек сиңирген артисти: «Жаакка бир чапкансып жаман болчумун» 118 0

23:51 2025-04-30 | Спорт

Кыргыз күрөшү боюнча өлкө биринчилиги өтөт 335 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1607 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1468 0

Архив

Комментарийлер (6)

Paol

2020-07-13 20:14:08

Ээми ушул нерсени да ойлоп өлүп кетелиби бул жагы жетишет ушул жаман ооружан сакайфп алалычы калганын көрө жатаарбыз

AdylbekB84

2020-07-13 20:33:00

Окумуштуулар гөңдү гана жептир! Булардын вирус башталгандан бери ар нерсени айта берген жоромолдору түгөбөдү!

aerforce

2020-07-13 21:13:15

Ушул мээсине залал келген окумуштуулар куйдурду откондо чиркейден да жугат деп эми жукпайт дейт эмнеси болсода Алланын айтканы болот анан Суперинфо бираз жакшы маалыматтардан жазгылачы

010288

2020-07-13 23:43:38

Поктун ысыгын жептир окумуштуулар.

elmira.

2020-07-14 09:24:40

Элдин башын айланткандар.балээни жептир ошолор...маалыматты жазган адам дагы

Kuban-1207

2020-07-14 13:32:36

Окумуштуулар ойдон чыгарып эле айта беришет

Комментарий калтыруу үчүн өз ысымыңыз менен кириңиз же каттоодон өтүңүз.