Бүгүн, 14-ноябрда президенттик шайлоого катышуу үчүн Борбордук шайлоо комиссиясына дагы 3 жаран арыз жазды. Бул тууралуу БШКнын басма сөз кызматынан билдиришти.
Алар: Лилиенталь Юлия Викторовна, 1981-жылы 12-июлда төрөлгөн, башталгыч класстын мугалими;
Капаров Чынгыз Капарович, 1984-жылы 27-августта төрөлгөн. Убактылуу иштебейт;
Сүйүналиев Жаныбек Курманканович, 1955-жылы 10-январда төрөлгөн. Убактылуу иштебейт.
Бул көрсөткүч менен өлкөдөгү президенттик шайлоого катышуу үчүн БШКга жалпы 48 талапкер арыз жазды. Мөөнөтүнөн мурда өтө турган президенттик шайлоо 2021-жылдын 10-январына белгиленген.