Тышкы иштер министри ЕККУдан Баткенде кыйраган объекттерди, үйлөрдү кайрадан курууга көмөк берүүнү суранды

Тышкы иштер министри Руслан Казакбаев Европадагы Коопсуздук кызматташтык уюмунун төрайымы, Швециянын тышкы иштер министри Анн Линде менен сүйлөшүп, көмөк сурады. Тараптардын сүйлөшүүсү 1-майда видео байланыш форматында өткөнүн Тышкы иштер министрлигинен кабарлашты.

Анда кыргыз тарап 28-30-апрелде болуп өткөн окуялар жана Кыргыз өлкөсүнүн чек арага жакын аймактарындагы учурдагы абал жөнүндө маалымдады.

"Министр жаңжалдын кесепетинен ички жер которгондордун саны 27 миң адамдан ашканын маалымдады. Ушуга байланыштуу Баткен облусундагы оор гуманитардык абалды белгилөө менен бирге уюмдан ички жер которгондорго жардам көрсөтүүнү суранды. Ошондой эле жаңжалдан кийинки мезгилде кыйроого учураган инфратүзүмдүк жана социалдык объектилерди, жарандардын үйлөрүн кайрадан курууга көмөк берүүнү өтүндү".

Анн Линде абалды жөнгө салууга кошкон өзгөчө салымы үчүн кыргыз тарапка ыраазычылык билдирип, жаңжалдын курчушуна жол бербөөнүн зарылдыгы боюнча тараптар бир пикирге келгенин кубаттап, жетишилген макулдашууларды кынтыксыз сактоого чакырды.

"Уюмдун төрайымы жаңжалды мүмкүн болушунча эрте жөнгө салууну жактаарын жана чек ара боюнча талаштарды чечүүгө, жаңжалдан кийинки кайрадан калыптандыруу иштерине жардам көрсөтүүгө даярдыгын билдирди. Мындан тышкары Анн Линде чек арага жакын аймактарда улуттар ортосундагы ишенимди калыбына келтирүүнүн маанилүүлүгүн белгилеп, ушуга байланыштуу уюмдун Улуттук азчылыктар иштери боюнча жогорку комиссарынын кеңсеси бул маселе боюнча жардам берүүгө даяр экендигин маалымдады".

Жолугушуунун аягында тараптар күн тартибиндеги кечиктирилгис маселелер боюнча мындан аркы диалогду жүргүзүүнү макулдашты.

Кыргыз-Тажик чек арасындагы чыр 29-апрелде таңга маал курчуп, куралдуу жаңжалга айланган. Анын кесепетинен жалпы 174 адам жаракат алып, анын 34ү каза болду. Мындан улам 1-2-май Кыргыз өлкөсүндө улуттук Аза күтүү күндөрү деп жарыяланды.

Автор: Бактыгүл Момбекова

00:52 02-05-2021

Жазылуу

Тектеш кабарлар:

Баткен облусунун жашоочуларынын зыянга учураган үйлөрү мамлекеттин эсебинен толугу менен калыбына келтирилет

"3 аскердин абалы оор". Кыргыз-Тажик чек арасынан чыккан чырдан жаракат алган аскерлердин абалы айтылды

"Баткен облусундагы кырдаал өкмөттүн өзгөчө көзөмөлүндө". Вице-премьер Акрам Мадумаров Тажикстандын вице-премьер-министри менен телефон аркылуу сүйлөштү

Камчыбек Ташиев чек ара боюнча кол коюлган протоколдо эмне жазылганын айтты

"Кызымдын себинен тартып неберелеримдин кийиминен бери көтөрүп кетишиптир" дейт Баткендин Арка айылынын жашоочусу

Чоң-Алай: "Талаш деген жерди кайтарып алуу айласын издеп жатабыз" дейт жергиликтүү тургун

Баткенде эвакуацияланган балдардын бейкапар ойноп жаткан видеосу тарады

"Баткен эч качан Тажик тарапка тиешелүү болгон эмес жана болбойт". Тажик генерал-майорунун сөзүнө Чек ара кызматынын төрагасынын биринчи орун басары жооп берди

"Өзүбүздүкүлөр өзүбүздү атып жатат" деген видео боюнча Баткен ОИИБи комментарий берди

Кыргыз-Тажик чек арасындагы Ак-Сай айылынын тургундары үйлөрүнө кайтып келишти

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (3)

Aibek_eka

2021-05-02 01:02:22

Тилемчиликке оттунорбу туруп тургулачы тилемчилик кылбай тургузушка аракет кылгылачы

+10

Malin

2021-05-02 07:09:03

суранбай турсанар боло. Тажиктер чыгымдарды толосун.

Kg.paren

2021-05-02 08:33:43

Тажиктерге толотуш керек алар келип бар жокту бузуп адам олтуруп тоноп кетеберсин биз аркимден сурайлы жардам бергиле деп биз ошентеличи алар дипломатия дейби эч качан антпейт булардын стратегиясы болушу мумкун эл кантип мындан кийин ошентип жашайт кочуп кеткиси келетда уйун сатып тажиктерге ким горантия берет 1_2 жылдан кийин кайра кайталанбашын

Комментарий калтыруу үчүн өз ысымыңыз менен кириңиз же каттоодон өтүңүз.