Мамат Айбалаев: "Чек ара чырынын башында контрабанда, наркотрафиктин башчылары турат"

Акыркы учурда Кыргыз-Тажик чек арасында эки тараптын жаңжалдашуусу көп кайталанчу болду. Жалпылап айтканда, чек ара чыры Кыргыз өлкөсү эгемендүүлүктү алгандан бери чечилбей келе жаткан олуттуу маселе. 28-апрелде кечке жуук башталып, дээрлик 4 күнгө созулган Баткендеги тажик тараптын агреcсивдүү кол салуусунан кыргыз тараптан 36 адам каза болуп, 189 адам жаракат алды. Мындан сырткары түзүлгөн кырдаалдан улам 100дөн ашуун турак үй, 100гө чукул объект талкаланып, өрттөлдү.

Ал эми интернет желелерине тажик тараптын согушту жеңген маанайын чагылдырган видеолору жарыяланып жатат. Анда коңшу өлкөнүн аскер кызматкерлери жана эли кадимки парад сыяктуу кан төгүүнү жеңиш катары белгилеп жатканын көрүүгө болот.

Тажикстандын бул аракети боюнча Баткен облусунун мурунку губернатору Мамат Айбалаев пикирин билдирди. Айтымында, кытмыр элдин трагедияны майрамдап жатканы жеткен түркөйлүк.

"Чек ара өзгөчө чоң тема. Чыр тажиктер менен СССРден бери эле уланып келе жатат. Алар бизден талашып, көз артканы жер жана суу. Азыркы согуштун, чырдын башталышы Головнойдо, Төрт-Күл суу сактагычынын каналына тажик тарап кыргыздар канча көлөмдө дарыядан суу алып жатканын билиш үчүн видео көзөмөл коюуга аракет кылган. Аны орнотууга кыргыздар каршы болгон.

Суу Кыргыз өлкөсүнүн аймагына жайылат, суунун ээси биз. Алар сууну көзөмөлдөөчү аппаратты биз тарап макул болгондон кийин койсо деле болмок. Алардын макулдугу жок аракети чоң чырдын башталуусуна себеп болду. Жарандык согуш Тажикстанда 1992-1993-жылдары болгон. Тажикстандын президентинин айтканына таянсак, 157 миң киши ал согушта каза болгон. Ошол согушту токтотууга ошол кездеги Кыргыз өлкөсүнүн бийлигинин салымы өтө чоң. Азыркы тапта Тажикстан элинин турмушу анчалык жакшы эмес. Бирок тажик эли өтө иштерман эл. Чырдын башында контрабанда, наркотрафиктин башчылары турат.

Азыр тажик тарап биз жеңдик деп майрамдап жатышат. Бул Баткен эли, жалпы эле кыргыз эли үчүн өтө чоң өкүнүч. Кытмыр элдин трагедияны майрамдап жатканы жеткен түркөйлүк деп эсептейм", - дейт Айбалаев.

Буга чейин да Мамат Айбалаев чек арага байланыштуу кызыктуу маалыматтарды айтып, анын чечүү жолдорун аныктаган бир нече сунуш-пикирлерин билдирип келген.

Автор: Гүлшат Ысамамат кызы

10:43 06-05-2021

Жазылуу

Тектеш кабарлар:

Кыргыз-Тажик чек арасында кырдаал туруктуу. Исфана-Баткен жана Исфара-Ворух жолдору ачылды

"Баткен районунун үч айыл өкмөтү анклав болгону турат" деп айылдык кеңештин депутаттары билдирүү жасады (видео)

Кыргыз-Тажик чек ара жаңжалында жаракат алып, Бишкекте дарыланып жаткан лейлектик тургундарга жардамдар берилүүдө

Өрттөлгөн имаратта желек желбиреген "Достук" заставасынын бүгүнкү көрүнүшү

Кыргыз-Тажик чырынан каза болгон чек арачынын үй-бүлөсүнө турак жай берилди

Чек ара чырында өрттөлгөн үй тергөө иштеринин жыйынтыгын күтпөстөн, курулуп баштай турган болду

Кыргыз-Тажик чек арасындагы жол жабык бойдон калууда

Садыр Жапаров чек ара чырында жарадар болгон жарандарга барды (сүрөт)

Министрлик: "Баткенге 82 миллион 500 миң сомдон ашык акчалай жардам берилди"

"Баткен эч качан Тажик тарапка тиешелүү болгон эмес жана болбойт". Тажик генерал-майорунун сөзүнө Чек ара кызматынын төрагасынын биринчи орун басары жооп берди

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (1)

Aibek_eka

2021-05-06 11:48:06

Тажик жендик деп майрамдагыдай эмнени женди тажиктер баткенге чыгып кунумдук ишке жалданып тамак ашка иштечуу эми ишкеда чыгалбайт кайра женилдилер суу бензин продукта отпойт эми болду границаны тактап 5метирлик забор мн тосуп салыш керек

Комментарий калтыруу үчүн өз ысымыңыз менен кириңиз же каттоодон өтүңүз.