"Бишкекке иштегени кеткен". Баткенде 24 жаштагы Бөрүбай Асылбек уулу январь айынан бери дайынсыз болууда

Баткен облусунун 24 жаштагы Бөрүбай Асылбек уулу аттуу тургуну дайынсыз болуп изделүүдө. Бул тууралуу Баткен облустук ички иштер башкармалыгынын маалымат кызматынан билдиришти.

Маалыматка караганда, Кадамжай районунун Айдаркен шаарынын Жаңы-Коргон айылынын 1997-жылы туулган тургуну Бишкек шаарына акча табуу максатында жумуш издеп кетип, 2021-жылдын январь айынан баштап байланышка чыкпай жүргөн жери белгисиз болууда.

Бул факты боюнча Кадамжай РИИБинин милиция кызматкерлери издөө иштерин жүргүзүүдө.

Изделип жаткан жарандын белгилери: бою 165-170 сантиметр, кашы, көзү кара, дене түзүлүшү арыкчырай.

Эгерде кимдир бирөө сүрөттөгү жигитти таанып, жүргөн жерин аныктап калса төмөнкү телефондорго кайрылса болот: (03655) 5-02-29; 0704 27-64-16.

Автор: Гүлзина Каныбекова
Фото: Баткен ОИИБинин басма сөз кызматы