Биз социалдык тармакта

Яндекс Байк менен курьердин күнү кандай өтөт (видео)

Бишкекте тамак-аш жеткирүү - акча табуунун бирден бир жеткиликтүү ыкмасы болуп саналат. Данияр Нурсеитов курьердин иши ичинен кандай түзүлгөнүн, Яндекс Байктын ижара акысы жана күнүгө реалдуу канча байрутма аткарса болоорун айтып берди.

Данияр Нурсеитов тамак-аш жеткирүү тармагына капыстан эле, Instagram баракчасын карап отуруп, Яндекс Goнун жарнамасын окуп, өзүн сынап көрүү үчүн келип калган. Азыр курьер болгонуна алты ай болуп калды. Анын күнү кадимкидей эле өтөт: иш башталганга жарым саат калганда, тийиштүү жерде болот, андан ары күнүнө 15тен 20га чейин - келип түшкөн буйрутмага жараша иштейт.

«Акча менен эсептегенде, 2,5-3 миң сомдун айланасында табам. Бул жеткирүүнүн категориясында жакшы эле сумма», – дейт ал.

Байкты ал практикалык көз караш менен баалап, жүргүнчү оюна албаган майда-чүйдө нерсени, курьер күн сайын эстеп жүргөнүн белгилейт. Рамада телефонду кубаттоо үчүн USB түйүн бар, анын айтымында, билинбегени менен өтө маанилүү нерсе, анткени телефондун батареясы кээде эң ыңгайсыз учурда отуруп калат. Ошондой эле фирмалык сумка үчүн бөлүм жана амортизациянын болгону дээрлик каалаган жерде жүрүүгө мүмкүндүк берет. Бирок, байкка тиешеси жок, айрым кыйынчылыктар жолдо кездешет: биздеги инфраструктура дайыма эле эркин жүрүүгө шарт түзө бербейт.

«Бизде мындай велосипеддер үчүн атайын иштелип чыкпаган жер астындагы өтмөктөр бар. Ошондой эле, биз өтүүгө бир аз ыңгайсыз жараткан темир жолдор бар. Бирок бул биздин шаарыбыздын инфраструктурасы да», - деп белгилейт Данияр.

Ошондой эле ал ижаранын шарттарын айтты. Жумасына тынымсыз 90 буйрутма жеткирсе, ижара акысы болгону 100 сом турат. Ал алты айдан бери жеткирүү менен алектенип, бул планды үзгүлтүксүз аткарууда.

Даниярдын сөзүнө караганда, ал мурда эл менен өз ара аракеттенүүнү талап кылган тармакта иштеп көргөн эмес. Ал эми курьердик жумушта бул оңой эмес экенин түшүнгөн.

«Кардарлар да, адамдар да ар башка болушат. Кээде муну жөн гана кабыл алыш керек. Бүттү», - деп жыйынтыктады Данияр.

Ал баалаган эң башкы нерсе, бул - көз карандысыздык. Өз күн тартибин өзү тандайт, анын убактысын жана жүргөн жерин көзөмөлдөгөн кишиси жок.

«Убакыттын эркиндиги, кыймылдын эркиндиги. Бардык нерседе эркиндик», - дейт ал

Яндекс Байк менен курьердин күнү кандай өтөт
РУБРИКАДАГЫ СОҢКУ КАБАРЛАР
Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан