Индия дүйнөдөгү эң чоң ракетасын ийгиликтүү учурду

Индиянын космостук изилдөө уюму (ISRO) 23-октябрда Шрихарикота аралындагы Сатиш Дхаван космостук борборунан дүйнөдөгү эң чоң Марк-3 (LVM-3) ракетасын ийгиликтүү учуруп, британиялык OneWeb спутниктик байланыш компаниясынын 36 спутнигин орбитага чыгарды. Бул тууралуу Би-Би-Си билдирет.

Белгиленгендей, 5796 килограммды түзгөн эң чоң жүктөмү менен LVM-3тин учуруусу Индиянын коммерциялык ишке киргизүү кызматтарынын дүйнөлүк рыногуна киришин да белгиледи.

“LVM3 M2/OneWeb India-1 миссиясы ийгиликтүү аяктады. Бардык 36 спутник белгиленген орбитага чыгарылды", — деп жазылган ISRO'нун Твиттердеги баракчасына.

Бардык 36 спутник космодромдон ракета учурулгандан кийин болжол менен 75 мүнөттөн кийин орбитага чыгарылды. Миссияны тарыхый деп сыпаттаган ISRO'нун төрагасы жана Космос изилдөөлөр департаментинин катчысы Сридхара Соманат Индиянын премьер-министри Нарендра Модиге миссияны колдогону үчүн ыраазычылык билдирди.

Индиянын президенти Драупади Мурму жана премьер-министр Моди ISRO жана башка катышуучуларды миссиянын ийгилиги менен куттукташты.

“NewSpace India Limited, ISRO компаниясын 36 OneWeb глобалдык байланыш спутниги менен эң оор LVM-3 ракета учуруучу аппаратыбызды ийгиликтүү учурушу менен куттуктайбыз. LVM-3 өзүн-өзү камсыз кылуучу Индиянын мисалы болуп саналат жана коммерциялык ишке киргизүү кызматтары үчүн дүйнөлүк рынокто анын атаандаштыкка жөндөмдүүлүгүн жогорулатат”, - деген Нарендра Моди.

Автор: Сезим Жумагулова