Түркияда кыргыз куткаруучулары барган аймакта дагы бир ирет жер силкинди

Бүгүн, 9-февралда Европа-Жер ортолук деңиз сейсмологиялык борборунун маалыматы боюнча Түркиянын борбордук бөлүгүндө күчү 4,8 баллга жеткен жер титирөө катталды.

Жер титирөө Бишкек убактысы боюнча 13:18де Түркиядагы жер титирөөдөн катуу зыян тарткан Кахраманмараш шаарынан 44 чакырым түштүк-батышта катталган. Очок 10 километр тереңдикте жаткан.

Бул жер титирөөдөн жабыркагандар жана кыйроолор боюнча маалымат жок.

Кыргызстандын өзгөчө кырдаалдар министрлигинин куткаруучулары дал ушул Кахраманмараш шаарында куткаруу иштерин жүргүзүүдө. Бүгүн, 9-февраль саат 13:00гө карата кыргыз куткаруучулары 22 адамдын жансыз денесин урандылардын астынан алып чыгышты.

Автор: Азат Бейшенбеков