Түркияда мародёрчулук кылгандарды жарандыктан ажыратуу сунушталды

Түркиянын Улуттук кыймыл партиясынын лидери Девлет Бахчели жер титирөө болгон аймактагы мародёрлорду жарандыктан ажыратууну, эгер качкын болсо депортациялоону сунуштады. Бул тууралуу түрк басылмалары жазышты.

"Талап-тоноочулук менен алектенген уятсыздардын жарандыктан ажыратылышына баа берүү керек. Эгер алар качкын болсо, анда биз өз өлкөлөрүнө депортациялоо тууралуу маселени көтөрүшүбүз керек", - деген Бахчели.

Түркиянын Юстиция министрлигинин маалыматы боюнча, жер титирөөдөн кийин Түркиянын 11 аймагында 97 адам мародёрчулукка шектелип кармалган.

Автор: Азат Бейшенбеков