Бишкекте энесин жана 2 баласын өлтүргөн окуя: Шектүү спорт чебери болгон

Бүгүн, 17-февралда ИИМ Бишкек шаарында 3 адамдын өлүмүнө шектүү жаран кармалганын билдирди.

Кылмышка шектүү 1986-жылы туулган Ч.А. аттуу Баткен облусунун Кадамжай районунун тургуну. Ал кармаш урушуу боюнча спорт чебери. 7-чакырылыштагы Жогорку Кеңештин депутаттыгына бир мандаттуу шайлоо округу боюнча ат салышканы белгилүү болду.

Белгилей өтсөк, борбор калаанын 5-кичи районунда энеси, кызы жана уулунун денесине оор залал келтирилген жансыз денеси табылган. Аталган факты боюнча Кылмыш-жаза Кодексинин 122-беренеси (Адам өлтүрүү) кылмыш иши козголгон.

Кылмышка шектүү катары 36 жаштагы Ч.А. аттуу Баткен облусунун тургуну кармалган. Учурда тергөө амалдары жүрүп жатат.

Автор: Айжанар Рыспек кызы
Фото: ИИМ