Төө-Ашуудагы тоннель бир апта бою маал-маалы менен жабылып турат (график)

Бүгүн, 12-июлдан тарта Ош-Бишкек унаа жолундагы Төө-Ашуу тоннелинин ичинде жолдорду оңдоо иштери башталды. Бул тууралуу Жол кыймылынын коопсуздугун камсыздоо башкы башкармалыгынан кабарлады.

Маалыматка ылайык, тоннелдин ичиндеги жолду оңдоп-түзөө жана жаңылоо иштерине байланыштуу 12-июлдан 18-июлга чейин жол кыймылына маал-маалы менен чектөөлөр киргизилет.

Чектөө графиги:

- Саат 05:00дөн 08:00гө чейин;

- Саат 10:00дөн 12:00гө чейин;

- Саат 14:00дөн 16:00гө чейин.

Белгилей кетсек, буга чейин Төө-Ашуудагы тоннель күнүнө 10 саатка чейин жабылары кабарланган.