Экинчи алтын! Жоламан Шаршенбеков Азия оюндарында чемпион болду

Коңшу Кытайдын Ханчжоу шаарында өтүп жаткан Азия оюндарында Жоламан Шаршенбеков чемпион болду.

Финалда ал япониялык Аята Сузукини жеңип алды.

Грек-рим түрү боюнча 60 килограмм салмакта катышкан Жоламан Шаршенбеков 1/8 финалда тажикстандык Асламжон Азизов аттуу балбан менен кез келип, атаандашынын үстүнөн 8:5 эсебинде ишенимдүү түрдө жеңишке жетишти.

Ал эми 1/4 финалда түштүк кореялык Чон Хандже аттуу балбанды 9:0 эсебинде мөөнөтүнөн мурда жеңди.

Жарым финалда болсо өзбекстандык балбан Исломжон Бахромов менен кез келип, 9:0 эсебинде жеңип алды.

Муну менен Шаршенбеков Азия оюндарында өлкөгө экинчи алтынды алып келди. Буга чейин дзюдо боюнча Эрлан Шеров Азия оюндарында алтын тагынган болчу.

Автор: Ширин Марат кызы