Белгилүү футболчуну той болор күнү сүйүктүүсү таштап кетти

Германиянын "Байер" футболдук клубунун чабуулчусу Виктор Бонифасты төрт жыл сүйлөшкөн кызы той болор күнү таштап кетти. Бул тууралуу чет элдик басылмалар жазышты.

Маалыматка ылайык, нигериялык футболчу норвегиялык Рикке Эрмине аттуу кыз менен төрт жыл сүйлөшкөн. Кыз футболчу менен келишимсиз никеге турууга макул болгон, себеби жубайлар ажырашса алардын мүлкү экиге бөлүнмөк. Буга футболчу макул болгон. Анткени анын мүлкүнүн баары апасына катталган болчу.

Кыз бул тууралуу той болор күнү билип, турмушка чыгуудан баш тарткан.

Автор: Азат Бейшенбеков