Эки жеңиш, бир өлкө... Анжелика кызы Элима менен эл аралык сулуулук сынагын жеңди (видео)

Ырчы Анжелика Кайратова кызы Элима Бекболиева менен Индияда өткөн эл аралык сулуулук сынагында жеңишке жетти. Бул тууралуу ырчы өзүнүн социалдык тармактагы баракчасынан билдирди.

Ырчы кызы менен Miss Supermodel Worldwide-2026 сынагында ийгилик жаратты. 16 жаштагы Элима Teen категориясында жеңүүчү болсо, апасы Mrs категориясында экинчи вице-мисс аталды. Ошондой эле алар "Кайрымдуу ханыша", "Көрүүчүлөрдүн тандоосу" наамдарын жеңип алышты.

Эне-кыз Кыргызстандын желегин эл аралык сахнада желбиретүүгө сыймыктанышарын айтышып, колдоо көрсөткөн мекендештерине ыраазычылык билдиришти.

Автор: Замира Ниязбекова