Ошто "Асман" көп кабаттуу үйүнүн көйгөйлөрү каралды (видео)

Кечее, 9-ноябрда Оштун мэринин орун басары Эрнис Толтоев мамлекеттик ипотекалык компания тарабынан курулган "Асман" көп кабаттуу турак үйүнүн жашоочулары менен жолугушту. Бул тууралуу мэриянын басма сөз кызматы билдирди.

Маалым болгондой, ага себеп турак жайдын тургундарынын коммуналдык кызматтарды кошууга байланыштуу кайрылуусу болду.

"Жолугушууда тургундар тарабынан электр энергиясы, жылуулук жана газдаштыруу маселелери көтөрүлдү. Эрнис Толтоев негизги маселе болгон газдаштыруу боюнча тиешелүү жетекчилерге жакынкы 1-2 күндүн ичинде үйдү газга туташтыруу иштерин баштоону тапшырды. Ал эми электр энергиясы жана жылуулук менен камсыздоо боюнча тургундарга тиешелүү түшүндүрмөлөр берилди",- деп кошумчалады мэрия.